މަގްބޫލު ގޭމް ކަމަށްވާ "ހޭންގް މޭން" އަށް ބިނާކޮށް، "ގެސް ދަ ވަރޑް" ގެ ނަމުގައި އެސް.އެމް.އެސް މެދުވެރިކޮށް ކުޅޭ ވަރަށް ފޯރިގަދަ މުބާރާތެއް އުރީދޫ އިން ފަށައިފިއެވެ.
މި ގޭމް ކުޅެ، އެންމެ މޮޅު ސްކޯ ހޯއްދަވާ ބައިވެރިންނަށް އުރީދޫ އިން ވަނީ ޑޭޓާ ޕެކޭޖް، ސްމާޓް ފޯނު އަދި މެކްބުކް އެއާ ހިމެނޭ، ދެ ލައްކަ ރުފިޔާގެ އަގުހުރި އިނާމު ހުށައަޅާފައެވެ.
"ގެސް ދަ ވާރޑް" ކުޅުންތެރިންގެ އަމާޒަކަށްވާނީ ތަފާތު އެކި ލަފްޒުތައް ދިމާކޮށް، ފަސް ލެވެލް އަކަށް ބެހިފައިވާ މި ގޭމުން އެންމެ ގިނަ ޕޮއިންޓް ހޯދުމެވެ. މިގޮތުން، މަތީ ލެވަލްތަކުގެ ލަފްޒުތައް އުނދަގޫވެފައި، ލިބޭ ޕޮއިންޓުތައް އިތުރުވެގެން ދާނެއެވެ.
10 ޖަނަވަރީ 2019 އިން 10 އެޕްރީލް 2019 އަށް ކުރިއަށްދާ މި މުބާރާތުގައި ބައިވެރިވުމަށް، “GO” ޖެއްސެވުމަށް ފަހު 4646 އަށް އެސް.އެމް.އެސް ކުރުމުން ބައިވެރިވެވޭނެއެވެ.
"ގެސް ދަ ވާރޑު"ގައި ބައިވެރިވެ، ލީޑަރބޯޑުގައި އެންމެ ކުރި ހޯދާފައިވާ ކުޅުންތެރިންނަށް ލިބޭ އިނާމުތަކުގެ ތެރޭގައި:
| ވަނަ | އިނާމު |
| ދުވަހުގެ ޓޮޕް ސްކޯރަރ | 1.25 ޖީބީ ޑޭޓާ |
| ކޮންމެ 15 ދުވަހެއްގެ ޓޮޕް ސްކޯރަރ | އައިފޯން އެކްސް |
| މުޅި މުބާރާތުގެ އެންމެ މޮޅު ކުޅުންތެރިޔާ | މެކްބުކް އެއާ |
| މުޅި މުބާރާތުގެ ދެވަނައަށް މޮޅު ކުޅުންތެރިޔާ | ސެމްސަންގ ގެލެކްސީ ނޯޓް 9 |
| މުޅި މުބާރާތުގެ ތިންވަނައަށް މޮޅު ކުޅުންތެރިޔާ | އެޕަލް ވޮޗް |
އުރީދޫ އިން އަބަދުވެސް މަސައްކަތް ކުރަމުންދާނީ ކަސްޓަމަރުންނަށް ކަމުދާނެ ޚިދުމަތްތަކާއި ޕްރޮމޯޝަންތައް ގެނެސްދިނުމަށް ކަމަށް އެ ފަރާތުން ބުނެއެވެ.
"ގެސް ދަ ވަރޑް" ޕްރޮމޯޝަން އާއި ބެހޭ އިތުރު މައުލޫމާތު އުރީދޫގެ ވެބްސައިޓް www.ooredoo.mv ނުވަތަ މައި އުރީދޫ އެޕް، އުރީދޫ ނެކްސްޓް މެދުވެރިކޮށް ލިބޭނެ ކަމަށް އުރީދޫ އިން ބުނެއެވެ.
