ގްރޯލިއާ ޖީންސްގެ އައުޓްލެޓް މާލޭގައި އަންގާރަ ދުވަހު ވެލާނާގެ ކައިރީގައި ހުޅުވައިފިއެވެ.
މިއީ މާލޭގައި ހުޅުވި ގްރޯލިއާ ޖީންސްގެ ދެވަނަ އައުޓްލެޓަށް ވީނަމަވެސް ވެލޭނާ އިންޓަރނޭޝަނަލް އެއަރޕޯޓުގައި ވެސް އެ ފްރެންޗައިޒްގެ އައުޓްލެޓެއް ހުރެއެވެ. އެހެންކަމުން މިހާރު ގްރޯލިއާ ޖީންސްގެ ތިން އައުޓްލެޓް ރާއްޖޭގައި ހިންގައެވެ.
އޮސްޓްރޭލިއާގެ މަޝްހޫރު ފްރެންޗައިޒް ބްރޭންޑެއް ކަމަށްވާ، "ގްލޯރިއާ ޖީންސް ކޮފީ" އައުޓުލެޓް ހުޅުވާފައިވަނީ ލަވަކިޔުންތެރިޔާ މުހައްމަދު މާޖިދު (މެޒޯ މޯޑް) އެވެ. ގްލޯރިއާ ޖީންސް ކޮފީ ހިންގަނީ ބްރޫ އެންޑް ފީސްޓް ކިޔާ ދިވެހި ކުންފުންޏަކާ އެ ފްރެންޗައިޒް ގުޅިގެންނެވެ.
ބްރޫ އެންޑް ފީސްޓްގެ ޑައިރެކްޓަރ އަލީ ހާޝިމް ވިދާޅުވީ ގްލޯރިއާ ޖީންސްގެ އިތުރު އައުޓްލެޓްތަކެއް ހުޅުމާލޭގެ އިތުރުން އައްޑޫ ސިޓީ އަދި ފުވައްމުލަކު ސިޓީގައި ވެސް ހުޅުވުމަށް ނިންމާފައިވާ ކަމަށާއި ވެލާނާގެ ކައިރީގައި ހުޅުވި އައުޓްލެޓްގެ މެނޫ އަށް އިތުރު އައިޓަމްސްތައް އިތުރު ކުރެވިފައިވާނެ ކަމަށެވެ.
ގްލޯރިއާ ޖީންސް ކޮފީ އަކީ އޮސްޓްރޭލިއާގެ މަޝްހޫރު ފްރެންޗައިޒް ކޮފީ ހައުސްއެކެވެ. އެތަނުން ކޮފީގެ އެކި ކަހަލަ ބުއިންތަކާއި އުފެއްދުންތައް ލިބެން ހުރެއެވެ. ދުނިޔޭގެ 39 ގައުމެއްގައި ގްލޯރިއާ ޖީންސް ބްރޭންޑްގެ 800 އަށް ވުރެ ގިނަ އައުޓްލެޓް ހުރެއެވެ.
