ޖަޕާނަށް އެރި ބާރުގަދަ ތޫފާން، ޓްރަމީގައި ބޮޑެތި ގެއްލުންތަކެއް ލިބި ދަތުރުފަތުރަށް ބުރޫ އަރައިފިއެވެ.

ތޫފާން ޓްރަމީ އަރާފައި ވަނީ އާދީއްތަ ދުވަހު އެ ގައުމުގެ ގަޑިން 20:00 ގައެވެ. ހުޅަނގުގެ ސިޓީއެއް ކަމަށްވާ އޮސާކާއަށް ތޫފާނު އެރިއިރު ގަޑިއަކު 216 ކިލޯމީޓަރުގެ ބާރުމިނުގައި ވައިޖެހިފައި ވެެއެވެ.

ކޮޅިގަނޑގު އިރުމައްޗަށް ދަތުރުކޮށްފައި ވާއިރު އެތައް ފްލައިޓްތަކަކާއި ރޭލް ދަތުރުތައް ކެންސަލްވިއެވެ. މި ތޫފާނުގެ ސަބަބުން 750،000 އަށް ވުރެ ގިނަ ގެއިން ކަރަންޓުގެ ޚިދުމަތް ކެނޑިގެންދިޔަ ކަމަށް ރިޕޯޓްތައް ބުނެއެވެ. މަދުވެގެން 48 މީހަކަށް ކުދިކުދި ޒަޚަމްތައް ލިބުނެވެ. މި ތޫފާން އަރާފައި މިވަނީ ވޭތުވެދިޔަ 25 އަހަރުގެ ތެރޭގައި އެ ގައުމަށް އަރާފައިވާ އެންމެ ބާރުގަދަ ތޫފާން އެ ގައުމުގެ ހުޅަނގުގެ ސަރަހައްދުތަކަށް އަރާފައި ވަނިކޮށެވެ.

ސެޕްޓެމްބަރު މަހުގެ ކުރީކޮޅު އެރި ތޫފާން ޖެބީގައި އެތައް ސަރަހައްދެއްގައި ފެން ބޮޑުވެ މަދުވެގެން 7 މީހުން މަރުވެފައިވެއެވެ.