ޕާކިސްތާނުގެ 12 ސުކޫލަކަށް ހަމަލާ ދީ ބައެއް ސްކޫލްތަކުގައި ހުޅުޖަހައި އަންދާލާފައިވާ ކަމަށް ރިޕޯޓްތައް ބުނެފިއެވެ.
ހަމަލާދީ ހަލާކުކޮށްފައިވާ 12 ސްކޫލުތަކުގެ ތެރޭގައި ހިމެނެނީ އަންހެން ކުދިންނަށް ކިޔަވައިދޭ ސްކޫލްތަކާއި ފިރިހެން ކުދިންނަށް ކިޔަވައިދޭ ސްކޫލްތައް ހިމެނެ އެވެ.
ޕާކިސްތާނުގެ ފުލުހުންނާ ހަވާލާދީ އެގައުމުގެ ނޫސްތަކުގައި ބުނެފައިވަނީ މިހަމަލާ ދީފައިވާކަމަށް ތުހުމަތު ކުރެވެނީ އެގައުމުގެ އަންހެން ކުދިންނަށް ތައުލީމު ހާސިލު ކުރުމަށް ދެކޮޅު ހަދާ ޖަމާއަތެއްކަމަށްވާ ތާލިބާނުން ކަމަށެވެ.
މިހަމަލާގައި އެއްވެސް މީހަކަށް ގެއްލުމެއް ލިބފައި ނުވާކަމަށާއި ގެއްލުން ނުލިބުނީ ހަމަލާ ދިނީ ރޭގަނޑުގެ ވަގުތެއްގައި ކަމަށްވުމުން ކަމަށް އޮފިޝަލުން ބުނެއެވެ.
އަންހެން ކުދިން ތައުލީމު ހާސިލު ކުރުމަކީ ތާލިބާނުން ދެކޭގޮތުގައި ހުޅަނގުގެ ނުބައި ޕްރޮޕެގެންޑާއެއް ގޮތަށެވެ.
ޕާކިސްތާނުގެ 12 ސްކޫލު އަންދާލުމާއި ގުޅިގެން ރިޔާސީ އިންތިޚާބު ކާމިޔާބު ކުރެއްވި އިމްރާން ޚާން ކުރެއްވި ޓްވީޓެއްގައި ވިދާޅުވީ އެގޮތަށް ހަމަލާ ދިނުމަކީ ގަބޫލުފުޅު ކުރެއްވޭނެކަމެއް ނޫންކަމަށާއި ސްކޫލްތަކުގެ ސެކިއުރިޓީތައް ވަރުގަދަ ކުރަންޖެހޭ ކަމަށެވެ. އަދި ކިޔެވުމަށް އަހަމިއްޔަތުކަން ދޭންޖެހޭ ކަމަށް އެމަނިކުފާނު ވިދާޅުވިއެވެ.
