ޕާކިސްތާނުގެ 11 ވަނަ އާއްމު އިންތިޚާބުގެ ވޯޓުލުން ބުދަ ދުވަހުގެ ހެނދުނު އަށެއް ޖެހިއިރު އެގަމުގެ އެކި ކަންކޮޅުތަކުގައި ފަށައިފިއެވެ.

އަށެއް ޖެހިއިރު ވޯޓްލުން ފަށާފައި ވާއިރު 7 ޖެހުމުގެ ކުރިން ގިނަ ސްޓޭޝަންތަކުގެ ކައިރީގައި ކިއު ހަދާފައިވެއެވެ.

ވޯޓްލާ މަރުކަޒުތައް ބަންދުކުރާނީ ހަވީރު ހައެއް ޖަހާއިރުއެވެ

ޖުލައި 25 ވަނަ ދުވަހު އޮންނަ އިންތިޚާބުގައި ވޯޓު ލުމަށް 85،000 މަރުކަޒު ކަނޑައަޅާފައިވެއެވެ. އިންތިޚާބުގައި، ނޭޝަނަލް އެސެމްބްލީގެ ގޮނޑިތަކަށް 3،765 ކެންޑިޑޭޓުން ވާދަ ކުރެއެވެ.

ޕާކިސްތާނުގެ އިލެކްޝަންސް ކޮމިޝަނުން މިހަފްތާގައި ބުނެފައިވާ ގޮތުގައި ދުވަހު ސަލާމަތީ ކަންކަން ބެލެހެއްޓުމަށް 800،000 މީހުން މަސައްކަތް ކުރާނެއެވެ. އޭގެ ތެރޭގައި 370،000 ސިފައިން ވެސް ހިމެނެއެވެ.

ޕާކިސްތާނުގެ ގާނޫނު ހަދާ މަޖިލީހުގެ ތިރިގޭގެ 272 ގޮނޑިއަށް މެމްބަރުން ހޮވުމާއި ޕްރޮވިންސް އެސެމްބްލީތަކަށް މެމްބަރުން ހޮވުމަށް ބާއްވާ އިންތިޚާބުގައި 106 މިލިއަން މީހުން ވޯޓް ލާނެއެވެ.