ވަޅުލާފައި ހުރި ބާރަވަނަ ގަރުނުގެ ފައިސާ ފޮތިތަކެއް އިންޑިއާގެ މަގު ހެދުމުގައި ހަރަކާތްތެރިވި އަންހެނަކަށް ފެނިއްޖެއެވެ.
އިންޑިއާގެ ކޮންޑިޖެއިން ޑިސްޓްރިކްޓްގައި މަގު ހަދުމުގައި ހަރަކާތްތެރިވި އަންހެން މީހާއަށް ބުރާސްފަތި ދުވަހު އެ ޚަޒާނާ ފެނިފައި ވަނީ މަގު ކޮންނަނިކޮށެވެ. ކޮންޑިޖެން ޑިސްޓްރިކްޓްގެ ކެޝްކަލް ބޮލޮކްގެ ސަރަހައްދުން ފެނިފައިވާ ޚަޒާނާގައި ރަނުގެ 57 ފައިސާފޮޗާއި، ރިހީގެ ފައިސާ ފޮއްޗެއްގެ އިތުރުން ކަންފަތުގަ ހަރުކުރާ ރަނުގެ މުދިއެއް ވެސް ވަނީ ފެނިފައެވެ.
ޚަޒާނާ ހުރި ރުނބާގެ މަތި ނެގިކަމުގައި ވިޔަސް އޭގައި ހުރި އެއްވެސް އެއްޗެއްގައި އެތަނުގަ ހަރަކާތްތެރިވި އާންމުން އަތްލައިފައެއް ނުވެއެވެ. އެ މީހުން ގަބޫލު ކުރާ ގޮތުގައި އެގޮތަށް ފެންނަ ޚަޒާނާއަކީ ނުބައި ފާލެއް އެކުލެވިގެންވާ ޚަޒާނާއެކެވެ.
އޮފިޝަލުން ހޮނިހިރު ދުވަހު ވިދާޅުވީ ޑިސްޓްރިކްޓްގެ ވެރިކަން ކުރާ ސަރަހައްދާ 60 ކިލޯމީޓަރުގެ ދުރުން ފެނުނު އެ ޚަޒާނާއަކީ ބެލެވޭ ގޮތުގައި 12-13 ވަނަ ގަރުނުގެ ޚަޒާނާއެއް ކަމަށް ބެލެވޭ ކަމަށެވެ. އޭގައި ވަޅުޖަހައިގެން ލިޔެފައި ހުރި ލިޔުންތަކަށް ބަލާއިރު އޭއްޗެހި ބޭނުން ކޮށްފައި ވަނީ ޔަޑަވް ޑައިނިސްޓިގައި ކަން އެނގޭ ކަމަށެވެ.
