މޭޑޭގެ މުޒާހަރާގެ ބައިވެރިން ހައްޔަރުކޮށް، ހުކުމްކޮށްފައިވަނީ ދޮގު ހެކީގެ މައްޗަށް ބިނާކޮށް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
2015 ވަނަ އަހަރުގެ މޭޑޭގައި ކުރިއަށްގެންދިޔަ މުޒާހަރާއާއި ގުޅިގެން ހައްޔަރުކޮށް، ޖަލަށްލާފައިވާ ފަރާތްތަކާއި ގުޅޭގޮތުން ކުރީގެ ރައީސް މުހައްމަދު ނަޝީދު ކުރައްވާފައިވާ ޓުވީޓެއްގައި އެމަނިކުފާނު ވިދާޅުވެފަިއވަނީ ޖަލަށްލާފައިވާ މީހުންގެ މައްޗަށް ހިންގާފައިވަނީ ބޭއިންސާފު ޝަރީއަތެއް ކަމަށެވެ. އަދި އެ ޝަރީއަތްތައް ހިންގާފައިވަނީ ދޮގު ހެކީގެ މައްޗަށް ބިނާކޮށް ކަމަށާއި، މޭޑޭގެ މުޒާހަރާއާއި ގުޅިގެން ހައްޔަރުކޮށްފައިވާ މީހުން ވަގުތުން މިނިވަންކުރުމަށް ގޮވާލާކަމަށެވެ.
Beyinsaaf shareeaiy hingaa, dhoguhekeege machah binaakoh siyaasee dhauvaa ufulaa #mayday2015 ga jalah laafaivaa Adhaalath Party ge Raees @ShimranAb, Mohamed Iqbal,
— Mohamed Nasheed (@MohamedNasheed) May 1, 2018
Umar Ghahir, Mohamed Laban, Ibrahim Ibadh, Farhath Ali minivan kurumah govaalan. pic.twitter.com/jb19MRiFZW
މޭޑޭގެ މުޒާހަރާއާއި ގުޅިގެން އަދާލަތު ޕާޓީގެ ރައީސް އިމްރާން އަބްދުﷲގެ އިތުރުން މާލޭ ދަފްތަރު 9130 މޫސާ ޝަރުމީލް، އާއި ގ. ކީމާ އަބްދުﷲ ރަޝީދު މުހައްމަދު، އާއި ލ. ގަން، މުކުރިމަގު އެއްގަމުގޭ ނާސިރާ އަލީ، އާއި ގދ. ގައްދޫ ލޮޓަސް ލައުޝާން އަހްމަދު ޒާހިރު، އާއި ތ. ގުރައިދޫ ރޯސްވިލާ އަހްމަދު އިބްރާހީމްގެ އިތުރުން ސ. ހުޅުދޫ އޮސްޓްރޭލިއާ އިބްރާހީމް އިބާދާއި އިބްރާހިމް ލަބާން ޝަރީފްގެ މައްޗަށް ހުކުމްކޮށް ވަނީ ޖަލަށްލާފަ އެވެ.
މީގެ ތެރެއިން ގ. ކީމާ އަބްދުﷲ ރަޝީދު މުހައްމަދު ހުކުމް ތަންފީޒު ކުރަމުން ދަނިކޮށް މަރުވީ އެތެރެހަށީގެ ބައްޔަކަށް އައިޖީއެމްއެޗުގައި ފަރުވާ ދެމުން އަންނަނިކޮށެވެ. ރައީސް މުހައްމަދު ނަޝީދު ވަނީ އަބްދުﷲ ރަޝީދުގެ ހަނދާންކޮށްވެސް، ޓުވީޓްކުރައްވާފަ އެވެ.
May Day 2015 ga nuhaggun jalah lumah fahu, ekasheegenvaa beysfaruvaa foarukohnudhevumuge sababun alhugandumenaa vakive gosfaivaa almarhoom Abdulla Rasheed ah suvaruge minvaru kurehvumah dhu’a dhaanavan. pic.twitter.com/zgMWSkLVfa
— Mohamed Nasheed (@MohamedNasheed) May 1, 2018
