ބްރޯޑްކާސްޓިން ކޮމިޝަން (ބްރޯޑްކޮމް) އިން ސަންގުޓީވީ އެއްލައްކަ ރުފިޔާ އިން ޖޫރިމަނާ ކޮށްފައި ވާތީ އެ ޖޫރިމަނާ ފައިސާ އެ ކޮމިޝަނާ ހަވާލުކޮށްފިއެވެ.
ސަންގުޓީވީގެ މެނޭޖިން ޑިރެކްޓަރު އިބްރާހިމް ވަހީދު (އަސްވާޑް) ވިދާޅުވީ ބްރޯޑްކޮމް އިން ސަންގުޓީވީ އެއްލައްކަ ރުފިޔާ އިން ޖޫރިމަނާ ކުރުމުން ހޯމަ ދުވަހުގެ ހެނދުނު 09:30 ގައި އެފައިސާ ހަވާލުކޮށްފައިވާ ކަމަށެވެ. އެ ފައިސާ ކޮމިޝަނަށް ގެންދިޔައީ ފައިސާ އެއްކުމަށް ހުޅުވި ފައިސާ ޖާޑީގައެވެ.
Jaadiegge Faisaa @broadcomMV aa SanguTV in havaalukoffi. Faisaa havaalukuran dhiyaee hendhunu 0930 ga, faisaa gunaa nimuny 1215 ga! #FaisaaJaadi ah eheetherikan foarukohdhevvi hurihaa rayyithunnah shukuriyya pic.twitter.com/kdDLpoP3uR
— Sangu TV (@Sangu_tv) April 30, 2018
ބްރޯޑްކޮމް އިން ސަންގު ޓީވީ އެއް ލައްކަ ރުފިޔާ އިން ޖުރިމާނާކޮށްފައި ވަނީ މިދިޔަ ޑިސެމްބަރު މަހުގެ އަށް ވަނަ ދުވަހުގެ ރޭ މުސްތަފާ ދެއްކެވި ވާހަކަތަކެއް ވަގުތުން ގެނެސްދެމުން ދަނިކޮށް ރައީސް އަބްދުﷲ ޔާމީންގެ އަބުރުފުޅަށް ހުތުރުވާ ގޮތަށް މުސްތަފާ "އަވަގުރާނަ ގޮވި" ކަމަށް ބުނެއެވެ.
މިމައްސަލާގައި ސަންގު ޓީވީ އެއްލައްކަ ރުފިޔާ އިން ޖޫރިމަނާކޮށް، މާފަށް އެދެން އަންގާފައި ވެސް ވެއެވެ. ނަމަވެސް މައާފަށް އެދޭނީ ޖޫރިމަނާ ކުރި މައްސަލަ ކޯޓުން ނިމޭ ގޮތުގެ މަތިން ކަމަށް ސަންގު ޓީވީން ބުނެއެވެ.
މިއީ އަބުރުގެ ގާނޫނުގެ ދަށުން ސަންގުޓީވީ ޖޫރިމާނާ ކުރި ފުރަތަމަ ފަހަރެވެ.
