އިސްލާމްދީން ހުއްދަ ނުކުރާ ޝޯވތަކަށް ރާއްޖޭގެ ބޮޑެތި ކުންފުނިތަކުން ކުރާ ހޭދަ ހުއްޓާލުމަށް ދީނީ އިލްމުވެރިޔާ ޝެއިހް އަލީ ޒައިދު ގޮވާލައްވައިފިއެވެ.
މަދީނާ ޔުނިވަރސިޓީގެ ގްރެޖުއޭޓް އަދި މޯލްޑިވްސް ނޭޝަނަލް ޔުނިވަރސިޓީގެ ލެކްޗަރަރ ޝެއިހް ޒައިދު ހޯމަ ދުވަހު ކުރެއްވި ޓްވީޓެއްގައި ވިދާޅުވެފައި ވަނީ ބޮޑެތި ކުންފުނިތަކުން ދީން ހުއްދަ ނުކުރާ ޝޯވތަކަށް ކުރާ ހޭދަ ހުއްޓާލަންޖެހޭ ކަމަށެވެ. ޝެއިޚް ޒައިދު ވިދާޅުވީ އެހެން ދެންނެވުމުން ބައެއް މީހުން އެކްސްޓްރީމިސްޓެކޭ ބުނެފާނެ ކަމަށެވެ. ނަމަވެސް ﷲގެ އިންތައް ފަހަނަ އަޅައިގޮސް، ދީން ހުއްދަ ނުކުރާ ކަންކަންކޮށް އުޅޭ މީހުންނަކީ އަސްލު އެކްސްޓްރީމިސްޓުން ކަމަށް ވެސް ޒައިދު ވިދާޅުވިއެވެ.
Bodethi kunfuni thakun dheen huhdha nukuraa show thakah kuraa heydha huttaalan jehey! Mihen bunaairah baeh meehun bunefaane extremistunney mihen bunaanee. ballavaa. Allah ge inthah fahana alhai gos, dheen huhdha nukuraa kankan koh ulhey meehun eiy aslu hageegee extremistunnakee..
— Sheikh Ali Zaid (@alizaid1000) April 30, 2018
ޝެއިހް ޒައިދު އެގޮތަށް ވިދާޅުވިއިރު، ދިވެހި ރައްޔިތުންގެ ނަމުގައި ސަރުކާރުން އުފައްދާފައިވާ ވިޔަފާރި ކުރާ ގިނަ ކުންފުނިތަކުން ދީން ހުއްދަ ނުކުރާ ޝޯވތައް ބާއްވަމުންދާ ކަމަށް ދީނީ އިލްމުވެރިން ވިދާޅުވަމުން ގެންދަވާއިރު، ރާއްޖޭގެ ބައެއް ބޮޑެތި އަމިއްލަ ކުންފުނިތަކުން ވެސް އެފަދަ ހަރަކާތްތައް ޚަރަދު ކުރަމުންދާކަން ކަން އެ ފަރާތްތަކުން ފާހަގަކުރައްވައެވެ.
އެގޮތުން ސަރުކާރުގެ ކުންފުނިތަކުން ސްޕޮންސަރ ކޮންގެން ރައީސް އަބްދުﷲ ޔާމީންގެ ވެރިކަމުގައި ކޮންމެ މީލާދީ އާ އަހަރެއް ފާހަގަ ކުރަމުންދަނީ މިދަފަ ޝޯވތައް ބާއްވައިގެން ކަމަށް ގިނަ ދީނީ އިލްމުވެރިން ވިދާޅުވަމުން ދެއެވެ.
މިއަހަރުގެ "ނިއު އިޔާރ ނައިޓް ޝޯވ"ގައި ވެސް ރާއްޖޭން ބޭރުގެ ދެ ޖިންސުގެ ފަންނާނުންނާއި ދިވެހި ފަންނާނުންގެ ޝޯވއެއް ބާއްވާފައިވާއިރު، އެ ޝޯވގައި ނިވާކަން ކުޑަ ހެދުން އެޅުން ފަދަ ކަންކަން ވަނީ ފެންމަތި ވެފައެވެ.