މޮޑެލުންތަކެއް ހޮވުމަށް ބޭއްވި ޝޯއެއްގައި ދިވެހި އަންހެން ކުދިންތަކެއް ނިވާކަން ކުޑަ ހެދުންތަކެއް ލި މައްސަލާގައި ބައެއް ދީނީ އިލްމުވެރިން ކަންބޮޑުވުން ފާޅުކޮށްފި އެވެ.
ދިވެހި އަންހެން ކުދިންތަކެއް، ނިވާކަން ކުޑަ ހެދުންތަކެއް ލައްވައިގެން މޮޑެލް ކުރުވާފައި ވަނީ މިދިޔަ ބުދަ ދުވަހުގެ ރޭ ރާއްޖޭގެ ރިސޯޓެއްގައެވެ. އެ ހަރަކާތުގައި ދިވެހި ޒުވާން އަންހެން ކުދިންގެ ވަނާތައް ފެންނާނެ ގޮތަށް، ނިވާކަން ކުޑަ ހެދުން ލައްވައިގެން މޮޑެލް ކުރުވާފައިވެ އެވެ. ރާއްޖޭގެ އެކި ކަންކޮޅުތަކުން ބައިވެރިވި އަންހެން ކުދިންތަކެއް ބައިވެރިކޮށްގެން، މުބާރާތެއްގެ ގޮތަށް އެ ހަރަކާތް ކުރިއަށް ގެންގޮސްފައި ވަނީ ބޭރުގެ ބަޔަކާ ގުޅިގެންނެވެ.
އެކަމާމެދު ކަންބޮޑުވުންފާޅުކޮށް، ޝެއިހް އަލީ ޒައީދު ކުރެއްވި ޓްވީޓެއްގައި ވިދާޅުވީ އެކަމަކީ އަންހެން ކުދިންގެ އިއްފަތްތެރިކަން ނީލަން ކިޔައި، އިސްލާމީ ގައުމެއްގެ ކަރާމާތް ކަނޑާލަަން ފާސިގުން ހިންގި އަމަލެއް ކަމަށެވެ. އެ އަމަލަކީ ބަލައި ގަނެވޭނެ ކަމެއް ނޫން ކަމަށް ބުނެ، އެކަން ހަރުއަޑުން ކުށްވެރިކުރާ ކަމަށް ޝެއިހް އަލީ ޒައިދު ވިދާޅުވެފައިވެއެވެ.
Mi thaangai half nude FASHION SHOW baavvai, anhen kudhinge ihfai neelan kiyai, mi islamee Qaumuge karaamai kandai, hurumathah buroo aruvaanee yageenunves bodethi FAASIQUNNEVE! Mi e faharugaives ruheveyne, nuvatha balaiganeveyne kameh nooneve! Enme haruadun mikan kuhveri kurameve.
— Sheikh Ali Zaid (@alizaid1000) April 21, 2018
ޖަމިއްޔަތުއް ސަލަފުން ވެސް ވަނީ އެކަމާ ކަންބޮޑުވުންފާޅުކޮށްފައިވެ އެވެ. އެ ޖަމިއްޔާގެ އޮޕަރޭޝަން މެނޭޖަރު ޢަލީ ރަމީޒު ކުރި ޓްވީޓެއްގައި ބުނެފައި ވަނީ ފެޝަން ޝޯގެ ނަމުގައި ނިވާކަން ކުޑަ އެއްޗެހި ލައްވައިގެން، ފާހިޝް ޝޯތައް ބޭއްވުމަކީ ބޮޑުވެގެންވާ މުންކަރާތެއް ކަމަށެވެ. ފަސާފައިގެ އަމަލު ތަކަކަށް މުސްލިމުން ތާއިދު ކުރުމެއް ނެތް ކަމަށް އޭނާ ބުނެފައިވެއެވެ.
Fashion show ge namugai anhenun nivaakan kuda echchehi laigen faahish show thah beyvvumakee bodu vegenvaa munkaraatheh. Komme Zamaanaku komme bayaku kuriyas ebayaku ekuranee nubaikan bodu kameh. Fasaadhaige amalu thakah Muslimun thaeedh kurumeh nei.
— علي رميز بن قاسم (@aliramyz) April 21, 2018
އާންމު އިޖުތިމާއީ މިންގަނޑުތަކާ ހިލާފަށް ހެދުން އެޅި އެ މައްސަލާގައި ސަރުކާރުން އެއްވެސް އެއްޗެއް ބުނެފައެއް ނުވެއެވެ. މިއަހަރު ފެށުމުގެ ގޮތުން ބޭއްވި ޝޯގައި ވެސް ނިވާކަން ކުޑަ ހެދުންލި މައްސަލަ، ހޯމް މިނިސްޓްރީއަށާއި އިސްލާމިކް މިނިސްޓްރީއަށް ވެސް ހުށަހަޅާފައިވެއެވެ. ނަމަވެސް އެކަމާ ގުޅޭ ގޮތުން ވެސް ސަރުކާރުން އެއްވެސް އެއްޗެއް ބުނެފައެއް ނުވެއެވެ.
ދިވެހިންގެ ދީނީ އަގީދާ ވަރުގަދަ ކުރުމަށާއި އިސްލާމީ އަހުލާގު ގެއްލިދާނެ ފަދަ އަމަލުތަކެއް ރާއްޖޭގައި ނުހިންގޭނެ ކަމަށާއި ޣައިރު ދީންތަކަށް ފުރުސަތު ނުދޭނެ ކަމަށް ސަރުކާރުން ދަނީ ތަކުރާރުކޮށް ބުނަމުންނެވެ. އިސްލާމް ދީން ހިމާޔަތް ކުރާނެ ކަމަށް ސަރުކާރުން ބުނަމުން ދިޔަ ނަމަވެސް، އިސްލާމް ދީނާ ދެކޮޅު ކަންކަން ރާއްޖޭގައި ދަނީ އިތުރުވަމުންނެވެ. އެކަންކަން ހުއްޓުވުމަށް ސަރުކާރު ވަނީ ނުކުޅެދިފައެވެ.
މީގެ ރާއްޖޭގައި އަންހެން ކުދިން ބަރަހަނާކޮށް ބަހައްޓައިގެން ބޮޑީ ޕެއިންޓްކުރި މައްސަލަ އަދި ވެސް ފުލުހުން ނުބަލަ އެވެ.
