އެކެއް ފެބްރުއަރީގައި ސުޕްރީމް ކޯޓުން ނެރުނު އަމުރު ތަންފީޒު ކުރުމަށް ގޮވާލާ ނެރުނު ބަޔާނަކާ ގުޅިގެން ބ. ހިތާދޫ ކައުންސިލް މެމްބަރުން އެއް މަސް ދުވަހުގެ ސަސްޕެންޝަނަށްފަހު އޮފީހަށް ނިކުމެއްޖެ އެވެ.
މީގެ އެއްމަސް ކުރިން ލޯކަލް ގަވަންމަންޓް އޮތޯރީ (އެލްޖީއޭ) ހިތާދޫ ކައުންސިލް ސަސްޕެންޑް ކޮށްފައި ވާއިރު، ސުޕްރީމް ކޯޓުން އެކެއް ފެބްރުއަރީގައި ނެރުނު އަމުރު ތަންފީޒުކުރުމަށް ގިނަ ރަށްރަށުގެ ކައުންސިލްތަކުންނާއި ކައުންސިލަރުން ގޮވާލަމުން ދިޔައެވެ. އެގޮތުން އެކައުންސިލްތަކާއި ކައުންސިލަރުން ސަސްޕެންޑް ކުރުމުގައި އެލްޖީއޭއިން ދިޔައީ އަވަދިނެތި މަސައްކަތް ކުރަމުން ނެވެ.
SC 5 Fandiyaarunge hukum thanfeez kurumah govaalumuge sabahun LGA in suspend kuri B.Hithaadhoo Council memberun 1 mahuge suspension akahfahu miadhu ofeehah nukunneveethee nuhanu hoonu maruhabaaeh dhannavan.Hithaadhoo Councillarun’akee namoonaa beyfulhun thakeh. pic.twitter.com/ywf2o8NI1l
— MDP Secretariat (@MDPSecretariat) April 22, 2018
އެލްޖީއޭއިން ސަސްޕެންޑްކުރި ބައެއް ކައުންސިލްތައް އެއް މަސްދުވަހުގެ ސަސްޕެންޝަން ނިމި އޮފީހަށް ނުކުމެވަޑައިގެންފައި ވާއިރު، އެ ރަށްރަށުގެ ރައްޔިތުން ކައުންސިލަރުންނަށް ކިޔަމުންދާ މަރުހަބާތައް ދަނީ އިތުރުވަމުން ނެވެ. އެގޮތުން ސަސްޕެންޝަން ނިމި އޮފީހަށް ނިކުތް ބައެއް ކައުންސިލަރުން އޮފީހަށް ވަޑައިގެންނެވީ ރައްޔިތުންގެ ފަރާތުން ދެއްނެވި ސަގާފީ އެކިއެކި ހަރަކާތްތަކާއެކުގަ އެވެ.
އެގޮތުން ހިތާދޫ ކައުންސިލް ވެސް އާދިއްތަ ދުވަހު އޮފީހަށް ނިކުންނަވާފައިވަނީ ރައްޔިތުންގެ ފަރާތުން ބޭއްވި ސަގާފީ ހަރަކާތަކާއެކުގަ އެވެ.
ހިތާދޫ ކައުންސިލްގެ މެމްބަރުން ވިދާޅުވީ ރައްޔިތުންނަށް ހިދްމަތް ކުރުމުގައި ފަހަތަށް ނުޖެހޭނެ ކަމަށާއި ރައްޔިތުންނަށް ހިދްމަތް ކުރުމުގައި ސާބިތުކަމާއެކު ތިއްބަވާނެ ކަަމަށެވެ. ސިޔާސީ ގޮތުން ދައްކާ ބިރަކަށް ޖެހިލުން ނުވާނެ ކަމަށްވެސް ކައުންސިލަރުން ވިދާޅުވި އެވެ.
ހިތާދޫ ކައުންސިލްގައި ތިއްބަވާ ތިން ކައުންސިލަރުންނަކީ ވެސް އެމްޑީޕީއަށް ނިސްބަތްވާ ކައުންސިލަރުން ނެވެ.
