ދ އަތޮޅު ކައުންސިލްގެ ނައިބް ރައީސް އިބްރާހިމް ނާސިރު އެމްޑީޕީއަށް ސޮއިކުރައްވާއިފިއެވެ.
މީދޫ ދައިރާގެ އަތޮޅު ކައުންސިލްގެ މަގާމަށް އަމިއްލަ ގޮތުން އިންތިހާބުވި އިބްރާހިމް ނާސިރު އެމްޑީޕީއަށް ސޮއި ކުރައްވާފައި ވަނީ ހުކުރު ދުވަހު ހަވީރު މީދޫގައި ހުންނަ އެމްޑީޕީ ހަރުގޭގައި ބޭއްވި ޖަލްސާއެއްގައެވެ. ނާސިރު އެމްޑީޕީއަށް ސޮއިކުރެއްވުމަށް ފަހު ފޯމް ހަވާލުކޮށްފައި ވަނީ އެމްޑީޕީގެ ޗެއާޕާސަންގެ ނައިބް އަލީ ނިޔާޒްއަށެވެ.
އެމްޑިޕީން ވަނީ ނާސިރުއަށް ވަރަށް ހޫނު މަރުޙަބާއެއް ދަންނަވާފައެވެ. އަދި ނާސިރު ގުޅުމުން ކުރިއަށް އޮތް ދުވަސްތަކުގައި އެޕާޓީގެ ހަރަކާތްތައް ދ އަތޮޅުގައި ކުރިޔަށްވުރެ ވަރުގަދަ އަށް ކުރިއަށް ގެންދެވޭނެ ކަމަށް އެމްޑީޕީން ބުންޏެއެވެ. އަދި އެ ބަދަލު އިންތިހާބް ތަކުން ފެނިގެންދާނެ ކަމަށް ވެސް އެ ޕާޓީއިން ވަނީ ބުނެފައެވެ.
Dh.atoll council ge Naib Raees Ibrahim Nasir MDP ah soi kuravvaifi. #LaamarukazeeRaajje pic.twitter.com/tDxSbnoWPv
— MDP Secretariat (@MDPSecretariat) April 20, 2018
ނާސިރު ސޮއި ކުރުމަށް ބޭއްވި ޖަލްސާގައި ރައްޔިތުންގެ މަޖިލީހުގެ މެމްބަރު މުހައްމަދު ފަލާހް އަދި ރައްޔިތުންގެ މަޖިލީހުގެ މެމްބަރު އަދި އެމްޑީޕީގެ ތަރުޖަމާން އިމްތިޔާޒު ފަހުމީ ވަނީ ބައިވެރިވަޑައިގެންފައެވެ.
