ރާއްޖޭގެ އެކިހިސާބަށް ވިއްސާރަކުރާނެ ކަމަށާއި އަދި ބައެއް ރަށްތަކަށް ގުގުރުމާއެކު ވާރޭވެހޭނެ ކަމަށް މޫސުމާއި ބެހޭ ގައުމީ އިދާރާ (މެޓް) އޮފީހުން ބުނެފިއެވެ.
މެޓް އޮފީހުން ބުނީ ބުދަ ދުވަހު ހެނދުނު ށ އަތޮޅާއި އ އަތޮޅާއި ދެމެދުގެ ރަށްތަކަށް ވިއްސާރަ ކުރާނެ ކަމަށެވެ. އަދި މެންދުރު ފަހު ވިއްސާރަ ކުރާނެ ކަމަށް ލަފާ ކުރެވެނީ ކ އަތޮޅާއި ސ އަތޮޅާއި ދެމެދުގެ ރަށްތަކަށެވެ.
ރާއްޖޭގެ އެކި ހިސާބުތަކަށް ވިއްސާރަ ކުރި ނަމަވެސް ކަނޑުގަދަ ނުވާނެ ކަމަށް މެޓް އޮފީހުން ބުންޏެވެ.
ރާއްޖެއަށް ވިއްސާރަ ކުރާއިރު، ދިވެހިން އާންމުކޮށް ގޮސް އުޅޭ ދެގައުމު ކަމަށްވާ އިންޑިއާއި ސްރީލަންކާއަށް ވިއްސާރަ ކުރާނެ ކަމަށް ވެސް މެޓުން ބުންޏެވެ.
