ހުރިހާ އެއްޗެއް ފޭރިގަތަސް ދަރިންނާއި ނަފްސު ފޭރި ނުގަނެވޭނެކަން ރައީސް އަބްދުﷲ ޔާމީނަށް މިހާރު އެނގިވަޑައިގަންނަވާނެ ކަމަށް ތިމަރަފުށީ ދާއިރާގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ އަންގާރަ ދުވަހުގެރޭ ވިދާޅުވީ ރައްޔިތުންގެ މަޖިލީހުގެ ޕާކިން ޒޯންގައި އޮތް އޭނާގެ ކާރު އެތަނުން ނެގުމަށް ޓްރެފިކް ފުލުހުންނަށް އިކޮނޮމިކް މިނިސްޓްރީއިން އަންގާފައިވާ ކަމަށާއި، އެތަނަކީ އިކޮނޮމިކް މިނިސްޓްރީއާއި ބެހޭ ތަނެއް ނޫން ކަމަށެވެ. ޓްވިޓަރގައިވެސް މިވާހަކަތައް މުސްތަފާ ހިއްސާކުރައްވާފައިވާއިރު، މުސްތަފާ އިތުރަށް ވިދާޅުވީ އެކާރު އޮތީ މަޖިލީހުގެ ޕާކިން ޒޯންގައިކަމަށާއި، އޭނާއަކީ އަދިވެސް ތިމަރަފުށީ ދާއިރާގެ މެމްބަރުކަމަށެވެ.
Hama dhenme Traffic @PoliceMv in Gulhafa mi anganee Economic Ministry in vidhaaluvi ey Majilis parking sarahadhuga oiy Musthafa ge car hama mihaaru nagaashey. Economic Ministry ge bimehga eh noon car othee! Car othee Majilis parking zone ga! Mee adhives Thimarafushi Dhaairage MP.
— Mohamed Musthafa (@Thimarafushi) April 17, 2018
މުސްތަފާ އަކީ ޕީޕީއެމްއިން ވަކިވެވަޑައިގަތުމާއި ގުޅިގެން ރައްޔިތުންގެ މަޖިލީހުގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ބުނާ މެމްބަރެކެވެ. އެހެން ނަމަވެސް ގޮނޑި ގެއްލުނު ކަމަށް ބުނާ 12 މެމްބަރުންގެ ގޮނޑި ނުގެއްލޭ ކަމަށް ބުނެ ސުޕްރީމް ކޯޓުން ވަނީ ފެބްރުއަރީ 1 ވަނަ ދުވަހުގެރޭ އަމުރެއް ނެރެފައެވެ.
ރައްޔިތުންގެ މަޖިލީހުގެ ޕާކިން ޒޯނުގައި އޮތް ކާރު ނަގަން ފުލުހުންނަށް އިކޮނޮމިކް މިނިސްޓްރީއިން އެންގި މައްސަލައިގައި މުސްތަފާ އިތުރަށް ވިދާޅުވީ އޭ-180 މޮޑެލްގެ މާސިޑީޒް ބެންޒް ކާރެއް ފޭރިގަތުމަކުން ކަންބޮޑު ނުވާ ކަމަށެވެ.
"ޕީޕީއެމްއިން ކެނޑިގެން އައިފަހުން 7 މިލިއަން އެމެރިކާ ޑޮލަރުގެ އަގު ހުރި 5000 ޓަނުގެ އާގު ބޯޓެއް ވެސް ފޭރިގަނެފަ ވެއްޖެ،" މުސްތަފާ ވިދާޅުވިއެވެ.
މީގެ އިތުރުން މީގެ 25 އަހަރުކުރިން ތިލަފުށިން ނަގާފައި ހުރި ބިންތަކާއި މުދަލާއި ޢިމާރާތްތައް ވެސް ފޭރިގަންނާނެކަމުގެ އިންޒާރު ވެސް ލިބެމުންދާ ކަމަށެވެ.
A180 ge Mercedez Benz car eh feyri gathumakun kan bodeh nuvaane. PPM in kendigen ai’fahun 7 million USD ge agu huri 5000T cargo ship evves feyri ganefa vejje. Meege 25 aharu kurin Thilafushin nagaafa huri bin thakaa, mudhalaa imaaraiythahves feyri gannaanekamah inzaaru eba libey.
— Mohamed Musthafa (@Thimarafushi) April 17, 2018
މުސްތަފާ ވިދާޅުވީ ހުރިހާ އެއްޗެއް ފޭރިގަތަސް ދަރިންނާއި ނަފްސު ފޭރި ނުގަނެވޭނެކަން ރައީސް އަބްދުﷲ ޔާމީނަށް މިހާރު އެނގިވަޑައިގަންނަވާނެ ކަމަށެވެ. އަދި އޭނާއަކީ، ރާއްޖެ ޓީވީގައި ދެއްކެވި ވާހަކަފުޅުގެ މައްސަލައިގައި ފުލުހުން ކުރި ތަހުޤީޤު ހުއްޓާލާފައިވާ ކަމަށް ބުނުމަށް ފަހު، ފަހުން ޓެރަރިޒަމްގެ ދައުވާ އުފުލުނު މުސްތަފާ ވިދާޅުވިއެވެ.
ރާއްޖެ.އެމްވީ އާއި ވާހަކަ ދައްކަވަމުން މުސްތަފާ ވިދާޅުވީ އޭނާގެ ގާތް ބައެއް މީހުން މަޖިލިސް ދޮށަށް ދިޔައިރު ފުލުހުން ފޯކްލިފްޓެއް ބޭނުންކޮށްގެން ކާރު ނަގަން އުޅޭ ކަމަށެވެ. އަދި ނަގާއިރު ލިބޭ ގެއްލުމަކަށް ޒިންމާ ނުވާނެ ކަމަށް ފުލުހުން ބުނިކަމަށާއި، އެހެން ނަމަވެސް ފަހުން ކާރު އެތަނުން ނަގައިގެން ގެންދަން ފުލުހުން ފުރުސަތު ދިން ކަމަށް އޭނާ ވިދާޅުވިއެވެ.
ރާއްޖެ.އެމްވީ އާއި ވާހަކަ ދެއްކެވި ފަހުން މުސްތަފާ ވަނީ ކާރު ނަގަން ދިޔަ ފުލުހުންނަށް ޝުކުރު އަދާކޮށް ޓްވީޓެއް ކުރައްވާފައެވެ.
"ފުލުހުންގެ ކުދިންނަށް ބޭނުމެއް ނުވޭ މީހުންގެ މުދަލަށް އަރައި، ފޭރުމުގެ އަމަލު ހިންގާކަށް."
Car nagan ai fuluhun ge kudhinnah shukurihyaa! Fuluhun ge kudhin beynunmeh nuvey meehunge mudhalah araa feyrumuge amalu thah hihgaakah! Nubia ee e kudhin hayaakanduvan ulhey meehun!
— Mohamed Musthafa (@Thimarafushi) April 17, 2018
