ރޭޑްވޭވް އިން "ރޭޑްވޭވް ކިޗަން" ގެ ނަމުގައި އައު ޝޯރޫމެއް ހުޅުވައިފިއެވެ.
މި ޝޯރޫމް ހުޅުވާފައިވަނީ އިސްކަންދަރު ސުކޫލް ފުރަގަހުގައި ހުންނަ ސީރާޒީ ގޯޅީގައެވެ.
ރެޑްވޭވްގެ ފަރާތުން ބުނީ "ރެޑްވޭވް ކިޗަން" ގެ ނަމުގައި މި ޝޯރޫމް ހުޅުވުމުގެ މައިގަނޑު މަޤްސަދަކީ އެއްތަނަކުން ގިނަ އެއްޗެހި ކަސްޓަމަރުންނަށް ލިބޭނެ މަގުފަހި ކޮށްދިނުމުގެ ގޮތުން ކަމަށާއި އެހެން ތަންތަނާއި އަޅާބަލާއިރު އެ ޝޯރޫމް އިން ވިއްކާ ސާމާނުގެ އަގު 50 ޕަސަންޓް އަށް ހެޔޮވާނެ ކަމަށެވެ.
މި ޝޯރޫމް އިން ރެޑްވޭވްގެ އަމިއްލަ ބްރޭންޑެއް ކަމަށްވާ ލަންޒާގެ ތަފާތު ގިނަ ސާމާނުތައް ލިބިގެންދާނެ ކަމަށް ވެސް ރެޑްވޭވް އިން ބުނެއެވެ.
ޝޯރޫމް އިން ވިއްކާ ބައެއް ސާމާނުތަކަކީ އިސްތިރި ކުރާ މޭޒު، ޓޯސްޓަރ، އަވަން، ތަށި ސެޓު، ފަހާ ފޮށި، ރައިސް ކުކަރ، އުނދުން، އޭސީ، ކޭކް މިކްސަރ ފަދަ ސާމާނުތަކެވެ.
މި އަންނަ މަހު ރެޑްވޭވްގެ އައު ފަރުނީޗަރު އެއްޗެހި ވިއްކާ ޝޯރޫމެއް ހުޅުވިގެންދާނެ ކަމަށް އެ ފަރާތުން ބުނެއެވެ.
