ވަޒީފާގެ ތަޖުރިބާ ހުރި މީހުންނަށް 10 އަހަރުގެ ވިސާ ދިނުމަށް ޗައިނާއިން ނިންމައިފިއެވެ.
ޗައިނާގެ ބައެއް މީޑިއާތަކުން ބުނެފައިވަނީ މި މަލްޓި އެންޓްރީ ވިސާ 5 އަހަރާއި 10 އަހަރުގެ ދެމެދުގެ މުއްދަތަކަށް ދޫކުރެވިގެންދާނެ ކަމަށެވެ.
ޗައިނާ އިން މިހާރު އެޤައުމުގައި އެހެން ޤައުމުތަކުގެ މީހުން މަސައްކަތް ކުރުމަށް ހުޅުވާލާފައިވާ ބައެއް ދާއިރާތަކަކީ ޓެކްނޮލޮޖީ އާއި ސައިންސްގެ އެކި ދާއިރާތަކެވެ.
ޗައިނާގެ ސަރުކާރުން ބުނެފައިވަނީ ވިސާ އަށް އެދުމުގެ ފުރުސަތު އޮންލައިންކޮށް ހުޅުވާލާފައިވާ ކަމަށާއި އެއްވެސް ފީއަކާއި ނުލާ ވިސާ އަވަހަށް ޕްރޮސެސްވެގެންދާނެ ކަމަށެވެ.
މީގެ އިތުރުން ވިސާ ހޯދުމަށް އެދި ހުށަހަޅާ ފަރާތްތަކަށް އެ ޤައުމުގައި ވިސާގައި އެއް އެންޓްރީގައި 180 ދުވަސް ހުރެވޭނެ ކަމަށާއި އެމީހުންގެ ކުދިން، އަނބިން ނުވަތަ ފިރިންނަށްވެސް ހަމަ އެ މުއްދަތުގައި ހުރެވޭނެ ކަމަށް އެ ޤައުމުގެ ސަރުކާރުން ބުނެއެވެ.
