މޯލްޑިވްސް އިސްލާމިކް ބޭންކު (އެމްއައިބީ) ގެ ބްރާންޗެއް ފުވައްމުލަކު ސިޓީގައި ޑިސެމްބަރު 24 ވަނަ ދުވަހު ހުޅުވައިފިއެވެ.
ފުވައްމުލަކު ސިޓީގައި އެމްއައިބީގެ ބްރާންޗެއް ހުޅުވައި ޚިދުމަތްދޭން ފަށާފައިވާއިރު އެ ބްރާންޗް ގާއިމު ކޮށްފައިވަނީ ފުވައްމުލަކު މިސްކިތް މަގު އަވަށުގައެވެ.
އެހެން އެމްއައިބީގެ ބްރާންޗުތަކެކޭ އެއްފަދައިން ފުވައްމަލުގައި ހުޅުވި ބްރާންޗުން ވެސް ފޯރުކޮށްދޭ ހުރިހާ ޚިދުމަތެއް ލިބިގެންދާނެ ކަމަށް އެ ފަރާތުން ބުނެއެވެ. އޭގެ ތެރޭގައި އޭޓީއެމްގެ ޚިދުމަތާއި ޕީއޯއެސްގެ ޚިދުމަތާއި އިލެކްޓްރޯނިކް ބޭންކިންގެ ޚިދުމަތް ހިމެނެއެވެ.
އެމްއައިބީ ފުވައްމުލަކު ބްރާންޗުގެ މެނޭޖަރަކަށް މުހައްމަދު ޝަފާއު ހަމަޖައްސާފައިވާއިރު އޭނާގެ ދަށުން ތަޖުރިބާ ހުރި ހަ މުވައްޒަފުން ހަރަކާތްތެރިވާނެ ކަމަށް އެއްއައިބީ އިން ބުނެއެވެ.
އެމްއައިބީގެ ބްރާންޗުތައް މާލެ ސިޓީ، އައްޑޫ ސިޓީގެ އިތުރުން ގދ. ތިނަދޫގަ އާއި ހދ. ކުޅުދުއްފުށީގައި ވެސް ވަނީ ހުޅުވާފައެވެ.
