އޯލް އެޗް މޯލްޑިވްސް ޕްރައިވެޓް ލިމިޓެޑަކީ 2004 ވަނަ އަހަރު ރަޖިސްޓްރީކުރި ކުންފުންޏެކެވެ.
ނަމަވެސް އެ ކުންފުނީގެ މަސައްކަތް ރަސްމީކޮށް ފެށީ 2011 ވަނަ އަހަރު އެވެ. އެ އަހަރު އެ ކުންފުނިން ވަނީ މޯލްޑިވިއަން އެއަރލައިންސްގެ ޕީއެސްއޭ ކަން ހޯދާފައެވެ. އެއަރ އޭސިއާގެ ރާއްޖޭގެ އޭޖެންޓެއްގެ ގޮތުގައި ހަރަކާތްތެރިވާން އޯލް އެޗް މޯލްޑިވްސް އަށް ފުރުސަތު ލިބި އެ ހިދުމަތް ކަސްޓަމަރުންނާއި ހަމައަށް ފޯރުކޮށްދޭން ފެށުމުން ބޮޑު އެއް އަމާޒަކަށްވެގެން ދިޔައީ ރަގަޅު މުވައްޒަފުންތަކެއް ކުންފުންޏަށް އައްޔަނު ކުރުމެވެ.
އޭރު ފައިސާގެ ދަތިކަން ދިމާވި ނަމަވެސް ކުންފުނިން ހިތްވަރާއި ވިސްނުމާއި އެކީ ދިޔައީ ކުރިއަށެވެ. ކަސްޓަމަރުންނަށް ކާގޯގެ ހިދުމަތާއި ޓިކެޓިންގެ ހިދުމަތް ފޯރުކޮށްދެމުން އަންނަ އިރު ކުރިއަށް އޮތް ތާނގައި މެލޭޝިއާ އަށް ކޮރިއަރ ސާރވިސްގެ ހިދުމަތް އެ ކުންފުނިން ފަށަން ވަނީ ނިންމާފައެވެ.
ކުންފުނީގެ އަމާޒުތަކުގެ ތެރޭގައި ކަސްޓަމަރުންނަށް އަވަސް އަދި ފަސޭހަ ހިދުމަތްތަކެއް ފޯރުކޮށްދިނުމަށް ހަމަޖެހިފައިވާއިރު ކުންފުނިން ދަނީ އެންމެ ފަހުގެ ސޯޝަލް މީޑިއާ އެޕްލިކޭޝަންސްތައްވެސް ބޭނުންކޮށްގެން ހިދުމަތް ކަސްޓަމަރުންނާއި ހަމައަށް ފޯރުކޮށްދެމުންނެވެ. ކުޑަ ދުވަސްކޮޅެއްގެ ތެރޭގައި އޯލްއެޗް މި ވަނީ ބޮޑު ކާމިޔާބެއް ހޯދާފަ އެވެ.
