އޮންދިގޯ ފިހާރައިން ވިއްކާ ޕްރޮޑަކްޓުތަކުގެ ފެންވަރު ބަލާލުމުގެ ފުރުސަތު ކަސްޓަމަރުންނަށް ހުޅުވާލައިފިއެވެ.
މި ފުރުސަތު ކަސްޓަމަރުންނަށް ހުޅުވާލާފައިވަނީ ހޮނިހިރު ދުވަހު ލޯންޗުކުރި "ފުޑް ޓޭސްޓިންގް ކޯނަރ" މެދުވެރިކޮށެވެ. މި "ފުޑް ޓޭސްޓިންގް ކޯނަރ" ގައި އެތަނުން ވިއްކާ ޕްރޮޑަކްޓުތައް ބޭނުންކޮށްގެން ކާއެއްޗެހި ތައްޔާރުކޮށްދޭނެ ހާއްސަ ޝެފެއް ހުރެއެވެ.
ކޮންމެ ދުވަހަކުވެސް ކޮންމެވެސް އައު ޕްރޮޑަކްޓެއްގެ ފެންވަރު ބަލާލުމުގެ ފުރުސަތު އޮންދިގޯގެ ފަރާތުން ހުޅުވާލާފައިވާއިރު މިއީ ރާއްޖޭގައި ކާބޯތަކެތި ވިއްކާ ފިހާރައަކުން މި ކަހަލަ ހިދުމަތެއް ކަސްޓަމަރުންނާއި ހަމައަށް ފޯރުކޮށްދިން ފުރަތަމަ ފަހަރެވެ.
އޮންދިގޯ އިން ވިއްކާ ބައެއް ޕްރޮޑަކްޓުތަކަކީ އާޝިރްވާދް އާޓާ، އައިކޮކޯ ބުއިމުގެ އެކި ފްލޭވާތައް، ވައި ވައި ނޫޑްލްސް، ޝެފް ބްރޭންޑުގެ ބާސްމަތީ ރައީސް، އަލިކެފޭ ކޮފީ، ޑެއިލީ މިލްކް، ވިޖަޔާގެ ހަވާދުގެ ބާވަތްތަކެވެ.
އޮންދިގޯގެ ފަރާތުން ބުނީ ކަސްޓަމަރުންނަށް މި ފުރުސަތު ހުޅުވާލީ އެތަނުން ވިއްކާ ޕްރޮޑަކްޓުތަކުގެ ފެންވަރު ކަސްޓަމަރުން އަމިއްލައަށް އަޖުމަ ބަލާލުމަށް ފުރުސަތު ހުޅުވާލުމުގެ ގޮތުން ކަމަށެވެ.
މި "ފުޑް ޓޭސްޓިންގް ކޯނަރ" މެދުވެރިކޮށް ތަފާތު ދިހަ ބްރޭންޑެއްގެ ޕްރޮޑަކްޓުގެ ފެންވަރު ކަސްޓަމަރުންނަށް ބަލާލެވޭނެއެވެ.
