Advertisement
ކ. މާލެ
|
30 ނޮވެންބަރ 2025 | އާދީއްތަ 11:10
މެޗުގައި ލަނޑު ޖެހުމަށް ފަހު އޮޑީގެ ކުޅުންތެރިން އުފާ ފާޅު ކުރަނީ
މެޗުގައި ލަނޑު ޖެހުމަށް ފަހު އޮޑީގެ ކުޅުންތެރިން އުފާ ފާޅު ކުރަނީ
އޮޑި ސްޕޯޓްސް ކުލަބު
ދިރާގު ދިވެހި ޕްރިމިއާ ލީގު
ޓީސީ ބަލިކޮށް އޮޑި ދެ ވަނަ އަށް
ލީގުގެ ފުރަތަމަ ބުރުގެ ކުޅުން އޮޑިން ނިންމާލިއިރު، މިހާތަނަށް ލީގުގައި ކުޅެފައިވާ ނުވަ މެޗުން އެ ޓީމަށް ލިބެނީ 22 ޕޮއިންޓެވެ. ދެ ވަނައިގައި އެ ޓީމު އޮތްއިރު، އެއް ވަނައިގައި އޮތް މާޒިޔާ ސްޕޯޓްސް އެންޑް ރެކްރިއޭޝަންއާ ދެމެދު އޮތީ ފަސް ޕޮއިންޓުގެ ފަރަގެކެވެ.

ދިރާގު ދިވެހި ޕްރިމިއާ ލީގުގައި ޓީސީ ސްޕޯޓްސް ކުލަބާ ދެކޮޅަށް ކުޅުނު މެޗުން މޮޅުވެ، އޮޑި ސްޕޯޓްސް ކުލަބުން ލީގު ތާވަލްގެ ދެ ވަނަ މަގާމަށް ޖެހިލައިފި އެވެ.

ހޮނިިހިރު ދުވަހުގެ ހަވީރު ގަލޮޅު ރަސްމީ ދަނޑުގައި ކުޅުނު މެޗު އޮޑިން ކާމިޔާބު ކުރީ 3-0 އިންނެވެ. މެޗުގެ ފުރަތަމަ ހާފުގައި އޮޑިން ދެ ލަނޑު ޖެހިއިރު، ފަހު ހާފުގައި އެ ޓީމުން ވަނީ ތިން ވަނަ ލަނޑެއް ވެސް ޖަހައިފަ އެވެ.

މެޗު ފަށައިގެން 12 ވަނަ މިނެޓުގައި އޮޑިން ވަނީ ޓީސީ ކޮޅަށް ލަނޑު ޖަހައި ލީޑު ނަގައިފަ އެވެ. އެ ލަނޑު އެ ޓީމަށް ޖަހައިދިނީ ބިދޭސީ ކުޅުންތެރިޔާ ކަރޮލިސް ލައުކްޒެމިސް އެވެ. އޭގެ ފަހުން ފުރަތަމަ ހާފުގެ 37 ވަނަ މިނެޓުގައި މުޒްދާން ޙަސަން ވަނީ އޮޑީގެ ދެ ވަނަ ލަނޑު ޖަހައި ލީޑު ފުޅާ ކޮށްފަ އެވެ.

މެޗުގެ ދެ ވަނަ ހާފަށް ނިކުމެ އޮޑިން ވަނީ ތިން ވަނަ ލަނޑެއް ޖަހައި އިތުރަށް ލީޑު ފުޅާ ކޮށްފަ އެވެ. މެޗުގެ 62 ވަނަ މިނެޓުގައި އެ ލަނޑު އެ ޓީމަށް ޖަހައިދިނީ އަހްޒަމް ރަޝީދު އެވެ. އެ ލަނޑު އޭނާ ޖެހީ މުޒްދާން ތަނަވަސްކޮށްދިން ފުރުސަތެއްގައި ލިބުނު ބޯޅަ އަކުންނެވެ.

ލީގުގެ ފުރަތަމަ ބުރުގެ ކުޅުން އޮޑިން ނިންމާލިއިރު، މިހާތަނަށް ލީގުގައި ކުޅެފައިވާ ނުވަ މެޗުން އެ ޓީމަށް ލިބެނީ 22 ޕޮއިންޓެވެ. ދެ ވަނައިގައި އެ ޓީމު އޮތްއިރު، އެއް ވަނައިގައި އޮތް މާޒިޔާ ސްޕޯޓްސް އެންޑް ރެކްރިއޭޝަންއާ ދެމެދު އޮތީ ފަސް ޕޮއިންޓުގެ ފަރަގެކެވެ. އެއް ވަނައިގައި މާޒިޔާ އޮތީ ނުވަ މެޗުން ވެސް މޮޅުވެ 27 ޕޮއިންޓާ އެކު އެެވެ.

- ކޮމެންޓް