މާލޭގައި ހުންނަ ކޮފީ ޝޮޕަކަށް ވަދެ، ބިރު ދެއްކި މައްސަލާގައި ހައްޔަރުކުރި ދެމީހުންގެ ބަންދުގެ މުއްދަތު ޖަހައިފިއެވެ.

ބުދަ ދުވަހު ފުލުހުން ބުނީ 12 ޑިސެންބަރު 2024 ވަނަ ދުވަހު ހަވީރީ ހިނގުމުގައި ހުންނަ ލެޓްސް ކޮފީ މޯލްޑިވްސްއަށް ބަޔަކު ވަދެ ތޫނު ހަތިޔާރު ބޭނުންކޮށްގެން އެތަނުގެ މުވައްޒަފުންނަށް ބިރު ދައްކައި މުދަލަށް ގެއްލުން ދީފައިވާ ކަމަށެވެ.

އެ މައްސަލައާ ގުޅިގެން ވައިލެޓްމާގެ، ގއ.ދެއްވަދޫ، 31 އަހަރުގެ އަހުމަދު ތައުފީގު އަދި ބ.ތުޅާދޫ، މީޒާން، 44 އަހަރުގެ އަސަދުﷲ ހާތިމް 16 ޑިސެންބަރު 2024 ވަނަ ދުވަހު ކޯޓު އަމުރެއްގެ ދަށުން ހައްޔަރުކޮށްފައިވާ ކަމަށް ފުލުހުން ބުނެއެވެ.

ފުލުހުން ބުނީ އެމީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން 5 ދުވަހަށް ބަންދުކުރުމަށް ކޯޓުން އަމުރުކޮށްފައިވާ ކަމަށެވެ.

އެކޮފީ ޝޮޕަށް ދެމީހަކު ވަދެ އަޑުގަދަކޮށް، ތަކެއްޗަށް ގެއްލުން ދޭ މަންޒަރު ފެންނަ ވީޑިއޯއެއް ސޯޝަލް މީޑިއާގައި ވަނީ އާއްމުވެފައެވެ. އެވީޑިއޯއިން ފެންނަ ގޮތުގައި އެވަގުތު ކައުންޓަރުގައި ހުންނަ މުވައްޒަފަށް އެމީހުން ބިރު ދައްކާ މަންޒަރު ފެނެއެވެ.

މިމައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.