އިނގިރޭސީން އަތުން ރާއްޖެ މިނިވަންވެގެންވެސް ޗާގޯސް އަކީ ރާއްޖޭގެ ބައެއްކަމަށް ކުރީގެ ރައީސް އިބްރާހިމް ނާސިރުވެސް އަދި ރާއްޖޭގެ އެއްވެސް ވެރިއަކު ރަސްމީކޮށް އެކަމާއި ގުޅޭ ވާހަކައެއް ދައްކާފައި ނުވާކަމަށް ކުރީގެ ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެއެވެ.
ޝާހިދު ވިދާޅުވީ ޗާގޯސް ވާހަކައަކީ ދިވެހިރާއްޖޭގެ ރައްޔިތުންގެ މެދުގައި ބޮޑު ފިތުނައެއް އުފައްދަންވެގެން ސިޔާސީ ގޮތުން އެބޭފުޅުން ކުޅުއްވި ބޮޑު ކުޅިގަނޑެއް ކަމަށެވެ. ދިވެހިރާއްޖޭގެ ދަރުމަންތަ ރަސްގެފާނު ރަސްކަން ކުރެއްވި ދުވަހުން ފެށިގެން މިއަދާ ހަމައަށް ރާއްޖޭގެ އެންމެ މަތީ ވެރިކަމުގައި ޑރ. މުޢިއްޒަކީ ސަތޭކަ ދެވަނަ ބޭފުޅާ ކަމަށެވެ.
ޝާހިދު ވިދާޅުވީ ރާއްޖެ އިސްލާމް ވީއްސުރެ މިއަދާ ހަމަޔަށް އެ ދެބޭފުޅުންގެ ތެރެއިން އެންމެ ބޭފުޅަކުވެސް ވެރިކަމުގައި ހުންނަވައި ޗާގޯސް އަކީ ދިވެހިރާއްޖޭގެ ބައެއް ކަމަށް ވިދާޅުވެފައި ނުވާ ކަމަށެވެ. އަދި މިއީ ތާރީޚު ޙަޤީޤަތް ކަމަށެވެ. ނުވަވަނަ ޙަސަން ރަސްގެފާނުގެ ވާހަކައަށް އިޝާރަތްކުރައްވާ ޝާހިދު ވިދާޅުވީ ނުވަވަނަ ޙަސަން ރަސްގެފާނު އިސްލާމްދީން ދޫކުރައްވައި ކްރިސްޓިންދީނަށް ބަދަލުވެގެން ވަޑައިގެން ގޮވާގައި ހުންނަވައި ލިޔުއްވި ލިޔުއްވުމެއްގައި އެހެން ލިޔުއްވާފައި އޮންނަ ވާހަކައަށް ބައެއް ބޭފުޅުން އެބަ ރިޢާޔަތް ކުރައްވާ ކަމަށެވެ. ނަމަވެސް ދިވެހި ސަރުކާރެއްގެ ދިވެހި ވެރިޔަކު ދުވަހަކުވެސް ވިދާޅުވެފައި ނެތް ކަމަށެވެ.
ދެން އެކި މަރުޙަލާތަކުގައި ދިވެހިރާއްޖެ އުފެދެމުން އެކި ކަހަލަ ސިޔާސީ ބައްޓަންތަކަށް ދިވެހިރާއްޖެ ބަދަލުވުމަށް، ޕޯޗްގީޒުންގެ އަނިޔާވެރި ދުވަސްތައް އަޅުގަނޑުމެން ތަޙައްމަލުކޮށް، ހޮޅީންގެ އަނިޔާވެރިކަން އަޅުގަނޑުމެން ތަޙައްމަލުކޮށް މި ހުރިހާ ކަމެއް ނިމިގެން އައިސް ނަވާރަސަތޭކަ ފަސްދޮޅަސް ފަހެއްގައި އަޅުގަނޑުމެން މިނިވަންވެގެން އަޅުގަނޑު ސިޔާސީ މިނިވަން ކަމެއް ހާސިލުކޮށް އިނގިރޭސިންގެ އަތްދަށުން އަޅުގަނޑުމެން މިނިވަންވީ. އެ މިނިވަންވެގެން ދެކެވުނު ވާހަކަތަކުގެ ތެރޭގައި ވެސް އެއްވެސް ހިސާބެއްގައި އަޅުގަނޑުމެންގެ ދެކުނުގެ ބައުންޑަރީގައި ދެކުނަށް އެއޮތް ރަށްތަކާ ބެހޭ ގޮތުން އެއްވެސް ކަހަލަ ވާހަކައެއް އޭރުގެ ބޮޑުވަޒީރު ފަހުން ރައީސުލްޖުމްހޫރިއްޔާ އިބްރާހީމް ނާސިރު އަންގަވާފައި ނެތް، އެއްވެސް ލިޔުމެއްގައިވެސް ނެތް އެވާހަކަ.ކުރީގެ ފޮރިން މިނިސްޓަރު އަބްދުﷲ ޝާހިދު
ޝާހިދު ވިދާޅުވީ ކުރީގެ ރައީސް މައުމޫންގެ ވެރިކަމުގައި އިނގިރޭސި ވަފުދެއް ރާއްޖެ އައިސް ފޮރިން މިނިސްޓްރީގައި ބޭއްވި ބައްދަލުކުރުންތަކެއްގައި، އެ ބައްދަލުކުރުންތަކުގެ މިނިޓްސް މިހާރުވެސް ފޮރިން މިނިސްޓްރީގައި ރައީސުލްޖުމްހޫރިއްޔާގެ އޮފީހުގައި ބަނޑާރަނައިބު އޮފީހުގައި ހުންނާނެ ކަމަށެވެ.
ޝާހިދު ވިދާޅުވީ އޭނާއަކީ އެއިރު ޖޫނިއަރ ފޮރިން ސަރވިސް އޮފިސަރެއް ކަމަށެވެ. އަދި އެ ލިޔެކިޔުންތަކުން ފެންނަން ހުރި ގޮތުގައި ދެކެވެފައި އޮތް ވާހަކައިގެ އެއްބަސްވެފައި އޮތީ ދިވެހިރާއްޖެއާއި ޗާގޯސްއާ ދޭތެރޭ އިން ފުށުއަރާތީ ބައި ޤާއިމު އުސޫލުތަކާ އެއްގޮތް ވާ ގޮތުގެ މަތީން އެ ތަނުގައި ދެބައި ހަމަވާ ގޮތަށް އިން ބަހައިލުމުގެ ވާހަކަ ކަމަށެވެ. އަދި ދިވެހިރާއްޖެއިން އެއަށް އެއްބަސްވެ، އެހެންނަމަވެސް ދިވެހިރާއްޖެއިން އެއްބަސްވަޑައި އޮންނަނީ ލޯ އޮފް ދަ ސީ ކޮންވެންޝަނުގައި ދިވެހިރާއްޖެ ބައިވެރިވުމަށް ފަހު ހަދަން ޖެހޭ ގާނޫނުތައް ހަދާފައި އޭގެ ތެރެއިން ކަންތައް ކުރިއަށް ގެންދިއުމަށް ކަމަށް ޝާހިދު ވިދާޅުވިއެވެ.
ދެން އޭގެފަހުން މާ ބޮޑު މަސައްކަތްތަކެއް ކުރެވިފަ އެއްނެތް. ދެން އޭރުގެ ފަހުން ވަޑައިގެންނެވި ބައެއް ބޭފުޅުން މިހާރު ތަފާތު ޚިޔާލުތަކުގެ ވާހަކަފުޅު ދެއްކެވިޔަސް އެ ބޭބޭފުޅުން އެ ކަންތައްތަކާ ހަވާލުވެވަޑައިގެން ތިއްބެވިއިރު ވެސް އެއްވެސް ކަމެއް އަމަލީގޮތުން ކުރައްވާފައި ނެތް. ދެން އިނގޭތޯ މިހިސާބަށް ކަންތައް ގޮސްފައި އޮއްވާ ދެން މިހާރު ފެންނަން މިއޮތީ އިނގިރޭސިންނާއި ދިވެހިރާއްޖޭގެ ހަމަ ގާނޫނީ ސަރުކާރާ ދޭތެރޭގައި ދެކެފައި ހުރި ވާހަކަ. ދެހާސް ދިހަ ވަނަ އަހަރުގެ ޖުލައި މަހުގެ ސައްބީސް ވަނަ ދުވަހު ލޯ އޮފް ދަ ސީ ކޮންވެންޝަނުގެ ދަށުން އަޅުގަނޑުމެންގެ އިންތަ އދ މަޖިލީހަށް ހުށަހަޅަން ޖެހުނީ. އެ ދުވަހު އަޅުގަނޑުމެން ދިވެހި ސަރުކާރުން އދގެ މަޖިލީހަށް އެ ލޯ އޮފް ދަ ސީ ކޮންވެންޝަން ހުށަހެޅި ދިވެހި ރާއްޖޭގެ ޗާޓުތައް އޭރު އޮތް ރައީސް މުޙައްމަދު ނަޝީދުގެ ސަރުކާރުން ހުށަހެޅުއްވި އިރު، ނެތޭ ޗާގޯސް އެއީ ދިވެހިރާއްޖޭގެ ބައެއް ކަމަށް ކަނޑައަޅުއްވާފައި އެކުރެހުންތައް ނުފޮނުއްވާ. ފޮނުއްވާފައި އޮތީ އައްޑުއަތޮޅުން ފެށިގެން ދެކުނަށް ދުވިސައްތަ މޭލު އެއީ އަޅުގަނޑުމެންގެ ޚާއްޞަ އިޤްތިޞާދީ ސަރަޙައްދު ކަމަށް.ކުރީގެ ފޮރިން މިނިސްޓަރު އަބްދުﷲ ޝާހިދު
ޝާހިދު ވިދާޅުވީ ޗާގޯސްގެ ވާހަކަ ދައްކަނީ ގަސްދުގައި އިތުރުފުޅު ހައްދަވާ އޮޅުވާލަން ކަމަށެވެ. ނަމަވެސް ޗާގޯސް އަކީ ރާއްޖޭގެ ބައެއްކަމަށް 2010 ވަނަ އަހަރުވެސް ދެކެވަޑައިގެން ނަމަ އެއިރުވެސް ޗާޓް ހުށަހެޅުއްވި އިރު ޗާގޯސް ހިމަނާފައި ފޮނުވޭނެ ކަމަށާއި، ނަމަވެސް ފޮނުވީ އައްޑޫއިން ފެށިގެން 200 މޭލު ހިމެނޭ ގޮތަށް ކަމަށެވެ.
