ސިމްޑީއިން ރާއްޖޭގެ މާކެޓަށް އިލީގެ އާ ރަހަތަކެއް ތައާރަފްކޮށްފިއެވެ.
އަލަށް ތައާރަފްކުރި ރަހަތަކުގެ ތެރޭގައި ހިމެނެނީ ކޮފީ މޭންހެޓަން، ހެޒަލްނަޓް ކަޕަޗީނޯ، ޑޭޓް އެންޑް ޕޮޕްކޯން ފްރީކް ޝޭކް، ވެނީލާ ލާޓޭ، ޗޮކްލެޓް ކުކީ ފްރަޕޭ، އެސްޕްރެސޯ މާޓީނީގެ އިތުރުން ކެރަމަލް މަކިއާޓޯއެވެ.
ސިމްޑީއިން ހޮޓެލް ޖެންގައި ބޭއްވި "އިލީ ޑޭ 2024" ގައި ތައާރަފްކުރި އެ ރަހަތަކަކީ ސިމްޑީއިން ރާއްޖޭގައި ވިއްކާ މޮނިން ސިރަޕްގެ އެކި ފްލޭވާތައް ބޭނުންކޮށްގެން ތައްޔާރުކޮށްފައިވާ ރަހަތަކެކެވެ.
ސިމްޑީއިން ވަނީ މި ބުއިންތައް ތައްޔާރުކުރާނެ ގޮތް ދަސްކޮށްދިނުމުގެ ގޮތުން މާސްޓަކްލާހެއް ޖެންގައި ކުރިއަށް ގެންގޮސްފައެވެ. ސިމްޑީގެ އާ ސްޕެޝާލިޓީ މެނޫގައި ހިމެނޭ ބުއިންތައް ކުރިއަށް އޮތް ތަނުގައި ރާއްޖޭގެ އެކި ކެފޭތަކުންލިބޭނެކަން ފާހަގަކޮށްލެވެއެވެ.
1933 ވަނަ އަހަރު ފްރަންޗެސްކޯ އިލީ ނަމަކަށް ކިޔާ މީހަކު އިޓަލީގެ ޓްރިއެސްތޭގައި ފެށި އާއިލީ ވިޔަފާރި އިލީ އަކީ އެ އާއިލާގެ ތިން ވަނަ ޖީލުން ބަލަހައްޓަމުންދާ ވިޔަފާރިއެކެވެ. ދިވެހިންގެ މެދުގައި ވެސް ބޮޑު މަޤްބޫލްކަމެއް ހޯދާފައިވާ އިލީ ކުންފުންޏަކީ ރަހަ މީރު ކޮފީ އާއި ކޮލެޓީ މޮޅު ކޮފީ މެޝިންތައް އުފެއްދުމުގައި އިތުބާރު ހޯދާފައިވާ ކުންފުންޏެކެވެ.
ރާއްޖޭގައި އިލީ ޑިސްޓްރިބިއުޓްކުރަނީ ސިމްޑީ ރިސޯޓް ސަޕްލަޔަރސްއިންނެވެ. 1988 ވަނަ އަހަރުން ފެށިގެން ޚިދުމަތްދާ ސިމްޑީ އަކީ ޒަމާނީ ހޯމް އެޕްލަޔަންސްތަކާއި ރިސޯޓަށް ބޭނުންވާ އުފެއްދުންތައް ރައްޖެއަށް އެތެރެކޮށް ވިއްކުމުގައި ދެމި އޮތް ކާމިޔާބު ކުންފުންނެކެވެ.
