އެމްޑީޕީގެ ރިޔާސީ ޕްރައިމަރީގައި ވާދަކުރުމާމެދު ސީދާ ޖަވާބެއް ނުދެއްވައި، ރައްޔިތުންގެ ވިސްނުން ހުރި ގޮތަކަށް ކުރިއަށްދާނެ ކަމަށް ކުރީގެ ނައިބު ރައީސް ފައިސަލް ނަސީމް ވިދާޅުވެއްޖެއެވެ.
ހޯމަ ދުވަހު ރާއްޖެޓީވީ ފަށާއިރު ޕްރޮގްރާމްގައި ފައިސަލް ވިދާޅުވީ ސިޔާސީ ގޮތުން މަސައްކަތް ކުރުމަކީ ގައުމަށް ޚިދުމަތް ކުރުން ކަމަށާއި، އަބަދުވެސް މަސައްކަތް ކުރަމުންދަނީ ގައުމާއި، ރައްޔިތުންނަށްޓަކައި ކަމަށެވެ. ރައްޔިތުންގެ މަޖިލީހުގައި މަަސައްކަތް ކުރެއްވިކަން ފާހަގަކުރައްވައި ފައިސަލް ވިދާޅުވީ އޭރު ވެސް އިސްކަން ދީފައިވަނީ ރައްޔިތުންނަށް ކަމަށެވެ.
ފައިސަލް ވިދާޅުވީ މިދިޔަ ފަސް އަހަރުގައި ނައިބު ރައީސްކަމުގެ މަގާމުގައި ހުންނަވައިގެން މަސައްކަތް ކުރީ ރައްޔިތުންނަކީ އެންމެ މުހިންމު މީހުން ކަމުގައި ވިސްނައިގެން ކަމަށެވެ. އަދި އިހްލާސްތެރިކަމާއި ތެދުވެރިކަމާއެކު، ގައުމާ ރައްޔިތުންނަށް ޚިދުމަތް ކުރެވިފައިވާ ކަމަށް ގަބޫލުކުރައްވާ ކަމަށް ފައިސަލް ވިދާޅުވިއެވެ.
އެގޮތަށް މަސައްކަތް ކުރުމުން ގައުމުގައި އެކުވެރި ބަދަހި މުޖުތަމައުއެއް ގާއިމްކުރެވި، މާރަނގަޅު ތައުލީމީ ދަރިންތަކެއްތަކެއް އުފެދި، ސިއްހީ ދުޅަހެޔޮ މުޖުތަމައުއެއް އުފެދިގެންދާނެ ކަމަށް ފައިސަލް ވިދާޅުވިއެވެ. އަދި ވިދާޅުވީ ޒުވާނުންނަށް ފުރުސަތުތައް ފަހިވެ، ފުދުންތެރި މީހުން ބިނާވެގެންދާނެ ކަމަށާއި، ގެދޮރުވެރިކަމާއެކު، ހައްގުތައް ކަށަވަރުކުރެވޭނެ ކަމަށެވެ.
މީގެ އިތުރުން ފައިސަލް ވިދާޅުވީ ވަކި ބޭފުޅަކު ރައީސް ކަމަށް ނުވަތަ ނައިބު ރައީސް ކަމަށް އަންނަންޖެހޭ ކަމަށް ބައެއް މީހުން ގަބޫލުކުރި ނަމަވެސް އެކަން ނިންމާނީ ރައްޔިތުން ކަމަށެވެ. އަދި ކުރިއަށް ދިއުމުގައި އަބަދުވެސް އިސްކުރަނީ ރައްޔިތުންގެ ވިސްނުން ހުރި ގޮތަށް ކަމަށް ފައިސަލް ވިދާޅުވިއެވެ.
އަޅުގަނޑުގެ އޮތީހަމަ ކުރިއަށް ދިއުމުގެ އަޅުގަނޑުގެ ކަންތައްތައް އަޅުގަނޑު ގަބޫލެއް ނުކުރަން މިސާލަކަށް ބައެއް މީހުން ބުނެފާނެ މިވެނި މީހަކު ޖެހޭނެ ރައީސްކަން ކުރަން. ކޮންމެހެން ވެސް ޖެހޭނޭ މިވެނި މީހަކަށް ރައީސްކަން ނައިބު ރައީސްކަން. އަޅުގަނޑު ގަބޫލުކުރާ ކަމެއް ނޫން. އެއްވެސް މީހަކު ދުނިޔެއަށް އަންނަނީ ސީދާ ރައީސްއަކަށްވާކަށް ނޫނީ ނައިބު ރައީސްއަކަށްވާކަށް ނޫން ނޫނީ މަޖިލިސް މެންބަރަކަށްވާކަށް ނޫން. އެހެނެއް ވެސްނޫން. ކޮންމެ ކަމަކީ ހާލަތެއް. އެމީހަކާާ އެކަށޭނެ ކަންތައްތައް އެކަށޭނެ ވަގުތު އެމެދުވެރި ކުރެއްވީމަ އެފުރުސަތުތަކާއި އެގޮތަށްތަކަށް ފަހިވެ އެއީ އެންމެ ރަނގަޅު ގޮތްކަަމަށް ފެނިގެން އަދި އެކަމަށް އެދޭ ބަޔަކު ވެސް ތިބެންޖެހޭނެއްނުންތޯ. އަޅުގަނޑު މިސާލަކަށް ބޭނުންވަނީ މިވެނި ކަމެއް. ބަޔަކު ބޭނުމެއް ނުވޭ. ދެން އެއީ މީހުން އުޅޭ ގޮތެއް ނޫން ތެދެއްތޯ. އަޅުގަނޑު މިދައްކަނީ ރައްޔިތެއް މަންދޫބެއްގެ ވާހަކަ. ނޫނީ ހާދިމެއްގެ ވާހަކަ. ގައުމެއް ރިޕްސެންޓް ކުރުމަށްޓަކައި ކަންކަން ނިންމުމަށް އިސްކުރާ މީހެއްގެ ވާހަކަ. އެހެން ކަމަށްވަންޏާ އަޅުގަނޑަށް ހީވަނީ ރައްޔިތުން ދެކޭ ގޮތް ކޮންމެވެސް ވަރަކަށް އަޑު އިވޭނެ ތެދެއްތޯ. ވޯޓަކަށް ނުދިޔަސް ސޯޝަލް މީޑިއާއިންނާއި، މަގުތަކުންނާއި، ހޮޓާތަކުންނާ. އެހެންވީމަ އަޅުގަނޑު ކަންތައްތައް ކުރުމުގައި އަބަދުވެސް ބަލަނީ ރައްޔިތުންގެ ވިސްނުން ހުރި ގޮތްކުރީގެ ނައިބު ރައީސް ފައިސަލް ނަސީމް
ފައިސަލް ވިދާޅުވީ އެމްޑީޕީގެ ރިޔާސީ ޕްރައިމަރީގައި ވާދަކުރުމާމެދު ގޮތެއް ނިންމާނީ ވަރަށް ބޮޑަށް ވިސްނުމަށްފަހު ކަމަށާއި، މުސްތަގުބަލް ކިޔަން ނޭނގޭ ކަމަށެވެ. އެކަންކަން ދާނީ އޭރުގައި އޮންނަ ހާލަތެއްގެ މައްޗަށް ކަމަށް ފައިސަލް ވިދާޅުވިއެވެ.
އަޅުގަނޑުނުކުރާނަމޭ ދެންނެވީމަ ކާކުތޯ ކާކުހޭ ގަބޫލުކުރާނީ. ނައިބު ރައީސްގެ ފަސް އަހަރަށް އަޅުގަނޑު ކުރިމަތިލީ. ޕްރައިމަރީއަށް ޖުމްހޫރީ ޕާޓީން ކުރިމަތިލީ އެވެސް ކުރިމަތިލީ އެނގޭތޯ. މިހާރު މިއީ ޕާޓީގެ ލީޑަރު މީނައޭ ހުންނާނީ ރަނިންމޭޓަކަށް އާއްމުކޮށް އަޅުގަނޑާ ހަމައަށް އަދި އަޅުގަނޑުގެ ފަހުން ވެސް އޮތް ގޮތަކީ ޕިކް ކޮށްލަނީ. ތިމަންނަ ބޭނުންވަނީ ރަނިންމޭޓަކަށް މިވެނި ބޭފުޅަކީ. އަޅުގަނޑު އައިރު އޮތީ އެހެނެއް ނޫން. ޖުމްހޫރީ ޕާޓީގެ ތެރޭގައި ބޮޑު ވާދަވެރިކަމެއް އެނގޭތޯ. ވަރަށް ބޮޑު ވާދަވެރިކަމެއް އޮތީ. އޭގެ ތެރެއިން އަޅުގަނޑު ކުރިމަތިލީނުންތޯ. އެކަމަކު ކުރިމަތިލީ އެކަމަށް އެދޭ ބަޔަކު ވެސް ތިބީމަ. ރާއްޖެގެ ރައްޔިތުންގެ ތެރެއިން ވެސް، ޕާޓީގެ ތެރެއިން ވެސް އެމްޑީޕީ ތެރެއިން ވެސް. ޕީޕީއެމްގެ ތެރެއިން ވެސް އޮތީ. އެހެންވެ އަޅުގަނޑު ކުރިމަތިލީ. އެފަދަ ހާލަތެއްގައި އޮތްއިރު ކީއްވެގެންތޯ އަޅުގަނޑު ކުރިމަތި ނުލާންވީ. ގައުމަށް ޚިދުމަތް ކުރުމަށް އެންމެން މަސައްކަތް ކުރަނީ. ދެން އަޅުގަނޑުމެން ދާންވީތޯ ބާކީވެގެން. އަޅުގަނޑުމެން ރަށަށް ގޮސް އެއްވެސް ކަމެއް ނުކޮށް ހަމައެކަނި ރަށުގައި ތިބެންވީތޯ. އެހެނެއްނޫން. މުޅި ރާއްޖޭގައި އުޅެންޖެހޭނެއްނުންތޯ. އަޅުގަނޑުނުލާހިކު ދާހިތްވޭ އުތުރުން ހޯރަފުއްޓަށް ވެސް ދެކުނުން އައްޑޫ، ތުރާކުނު. އެއީ ކަންތައްތައް މެދުވެރިވުން. އަޅުގަނޑުމެންނަށް ނޭނގޭނެ ފިއުޗަރ ކިޔާކަށް ކަންތައްތައް ވެގެން އަންނާނެ ގޮތް. ސީދާ އެކަހަލަ ކަންތައްތައް ނޭނގޭނެ.ކުރީގެ ނައިބު ރައީސް ފައިސަލް ނަސީމް
ފައިސަލް ވިދާޅުވީ އޭރުގެ ހާލަތަށް ބެލުމަށްފަހު ގޮތް ނިންމާނެ ކަމަށާއި، އެކަން ކުރެވިދާނެ ކަމަށް ގަބޫލުކުރެވޭނަމަ، އެހިތްވަރާއެކު ކުރިއަށްދާނެ ކަމަށެވެ.
