ދިވެހި ރާއްޖޭގެ ތާރީހުގައި ވެސް މިހާތަނަށް 60 މިލިއަން ރުފިޔާ ހަރަދުކޮށްގެން ޖަލްސާއެއް ބާއްވާފައި ނެތް ކަމަށާއި، ޕީއެންސީ ޖަލްސާގައި ދައުލަތުގެ ރިސޯސް ނަހަމަ ގޮތުގައި ބޭނުން ކޮށްފައިވާކަން ވަރަށް ސާފުކޮށް ފެންނަން ހުރި ކަމަށް އެމްޑީޕީގެ ގައުމީ މަޖިލިސް މެންބަރު އަހުމަދު ސަލީމް (މާޒް ސަލީމް) ވިދާޅުވެއްޖެ އެވެ.

ރާއްޖޭގެ އެކި ކަންކޮޅުތަކުން މީހުން ގެނެސް 60 މިލިއަން ރުފިޔާ ހަރަދުކޮށް ޕީއެންސީން ބޭއްވި ޖަލްސާގައި ކޮރަޕްޝަނަށް މަގުފަހިވާގޮތައް ކަންކަން ކޮށްފައި ހުރިކަމަށް ތުހުމަތު ކުރެވޭތީ އޭސީސީ އަށް މައްސަލަ ހުށަހެޅުމަށް ފަހު ދެއްވި އިންޓަވިއެއްގައި ވިދާޅުވީ، މިފަދަ މައްސަލަތައް އޭސީސީ އަށް ހުށަހެޅީމައި ސިޔާސީ ނުފޫޒެއް އޮވެގެން މައްސަލަތައް ނުބަލާ ދުކޮށްލާފައި ހުންނަ ކަމަށެވެ. އެހެން ކަމުން މި މައްސަލަތައް ބެލުމަށް ވަނީ ގޮވާލައިފަ އެވެ.

ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ގެ ޕާޓީ (ޕީޕަލްސް ނެޝަލަން ކޮންގުރެސް) ޕީއެންސީ އިން މިހިނގާ ނޮވެމްބަރ މަހުގެ 14 ވަނަދުވަހު މާލޭގައި ޖަލްސާއެއް ބޭއްވުމަށް 60 މިލިއަން ރުފިޔާ ޚަރަދުކުރި ކަމުގެ މަޢުލޫމާތު، ޢާއްމު ރައްޔިތުން ހާމަކުރުމުގެ އިތުރުން މީޑިޔާގައި ވެސް ވަނީ ތިލަވެ ފައެވެ. ރައްޔިތުންގެ މަޖިލީހުގެ މީދޫ ދާއިރާގެ މެމްބަރު ޢަބުދުއްރަޙުމާން، މިޖަލްސާއަށް 50 މިލިއަން ދިވެހި ރުފިޔާ ޚަރަދުކުރާ ކަމަށް އެކްސްގައި ކުރެއްވެވި ޕޯސްޓެއްގައި ވަނީ ވިދާޅުވެފަ އެވެ. އަދި މިޖަލްސާގެ ކަންކަން އިންތިޒާމު ކުރުމަށް އަންލިމިޓެޑް ބަޖެޓެއް ހަމަޖެހިފައިވާ ކަމަށްވެސް ޢަބުދުއްރަޙުމާން ގެ ޕޯސްޓުގައި ވިދާޅުވި އެވެ.

މިހާ ގިނަ ޢަދަދެއްގެ ފައިސާ ޚަރަދުކޮށްގެން ޖަލްސާއެއް ބާއްވާފައި ވާއިރު ރައްޔިތުންގެ މެދުގައި ކަންބޮޑުވުން އޮތީ، ސިޔާސީ ޕާޓީތަކަކީ ދައުލަތުން ފައިސާ ދޭ މުޢައްސަސާ ތަކަކަށްވެފައި، ސިޔާސީ ޕާޓީތަކުން ކުރާ ޚަރަދުތަކުގެ އޮޑިޓު ރިޕޯޓުތައް ހަދަން ލާޒިމު ކޮށްފައި އޮންނައޮތުމުވެ. ޕާޓީ ތަކަށް ޑޮނޭޝަންގެ ގޮތުގައި ލިބޭ ފައިސާ ވެސް ޚަރަދުކުރެވޭނީ ޕާޓީގެ އެކައުންޓަށް ޖަމާކުރުމަށް ފަހު އެވެ.

މިޖަލްސާގެ ވަށައިގެންވާ ކަންކަމަށް ރިއާޔަތް ކުރާއިރު، ކޮރަޕްޝަނަށް މަގުފަހިވާ ގޮތަށް ގިނަ ޢަދަދެއްގެ ފައިސާ މިކަމަށް ހޭދަ ކޮށްފައިވާކަން ދަލީލު ކޮށްދެ އެވެ. މިގޮތުން އެންމެ ބޮޑު ހޭދައެއް ކުރެވިފައި ވާކަމުގެ މަޢުލޫމާތު ލިބެނީ ރަށްރަށުން ގިނަ ޢަދަދެއްގެ މީހުން މާލެއަށް ގެނައުމާއި ގެންދިޔުމުގެ ދަތުރުފަތުރުގެ ޚަރަދާއި އަދި އެމީހުންގެ ޖީބު ފައިސާގެ އިތުރުން އެކޮމެޑޭޝަންގެ ޚަރަދެވެ.