މާލޭގެ ރާޅުގަނޑު ސަރަހައްދަށް ލޯންޗެއް ބަންޑުން ޖަހާލައިފިއެވެ.

ބަންޑުން ޖަހާލާފައިވާ ލޯންޗް ކައިރީގައި ފުލުހުންނާއި އެމްއެންއެންޑީއެފުން ދަނީ ހަރަކާތްތެރިވަމުންނެވެ. ފުލުހުން ބުނެފައިވަނީ ރާޅުގަނޑު ސަރަހައްދަށް ލޯންޗެއް ބަންޑުން ޖަހާލައިގެން އުޅޭ ކަމަށް ފުލުހުންނަށް ލިބުނު ރިޕޯޓަކާއި ގުޅިގެން ފުލުހުން ގެންދަނީ ހަރަކާތްތެރިވަމުން ކަމަށެވެ.

ބަންޑުން ޖަހާލާފައިވަނީ މަސްވެރިކަމުގައި ބޭނުންކުރާ އުޅަނދެކެވެ.

ބަންޑުން ޖަހާލި ލޯންޗުގައި ތިބީ 4 މީހުންނެވެ. އޭގެ ތެރޭގައި ހިމެނެނީ 2 ދިވެހިންނާއި 2 ބިދޭސީންނެވެ. އަދި މީގެ ތެރެއިން ދެމީހަކަށް ވަނީ ކުދި އަނިޔާ ލިބިފައެވެ.

އެ ލޯންޗުގައި ތިބި މީހުން މިހާރު ވަނީ ފުލުހުންގެ ލޯންޗަށް ނަގާފައެވެ. ނަމަވެސް އެމީހުންގެ ހާލަތާއި ގުޅޭ ތަފްސީލެއް ލިބިފައި ނުވެއެވެ.