ނުރަސްމީ ދަތުރުފުޅެއްގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު، އަންގާރަ ދުވަހުގެރޭ ސިންގަޕޫރަށް ފުރާވަޑައިގެންފިއެވެ.
މިއީ ވެރިކަމާއި ހަވާލުވެވަޑައިގެންނެވުމަށްފަހު ރައީސްގެ ދެކަނބަލުން ސިންގަޕޫރަށް ކުރައްވާ ދެވަނަ ނުރަސްމީ ދަތުރުފުޅެވެ.
ރައީސް އޮފީހުން ރައީސްގެ މި ދަތުރުފުޅުގެ އިތުރު ތަފްސީލެއް ހާމައެއް ނުކުރެއެވެ. މީގެ ކުރިން 21 މާޗުގައި ވެސް ރައީސްގެ ދެކަނބަލުން ވަނީ ސިންގަޕޫރަށް ނުރަސްމީ ދަތުރުފުޅެއް ކުރައްވާފައެވެ.
