ރައްޔިތުންގެ މަޖިލީހުގެ އިންތިޚާބުގެ ވޯޓުލުން މިއަދު ކުރިޔަށްދާއިރު ފުރަތަމަ ގަޑިއިރު ވޯޓުލާފައިވަނީ 8.68 އިންސައްތަ މީހުންކަމަށް އިލެކްޝަންސް ކޮމިޝަނުން ބުނެފިއެވެ.

އީސީން ބުނީ މިއަދު ހެނދުނު 9 ޖެހުމާ ހަމައަށް 24،703 މީހުން ވޯޓުލާފައިވާކަމަށެވެ. އެއީ 7،803 އަންހެނުންނާއި 16،900 ފިރިހެނުންނެވެ.

އިންތިޚާބުގެ ވޯޓުލުން ހަވީރު 5:30އާ ހަމައަށް ކުރިޔަށްދާނެއެވެ. މިހާތަނަށް 259،960 މީހުން އަދި ވޯޓު ނުލައެވެ.

ވޯޓުލުމުގެ ހައްގު ލިބިފައިވަނީ 284،663 މީހުންނަށެވެ. އެއީ 139،361 އަންހެނުންނާއި 145،302 ފިރިހެނުންނެވެ.

ޖުމްލަ 602 ވޯޓު ފޮށި ބެހެއްޓިފައިވެއެވެ.