މޯލްޑިވްސް އިލެންޑް ރެވެނިއު އޮތޯރިޓީ (މީރާ) އަށް ދައްކަން ޖެހޭ ޖޫރިމަނާއާ ފީ ދެއްކޭ ގޮތަށް "މީރާގެ މޯބައިލް އެޕްލިކޭޝަން" ތަޢާރަފް ކޮށްފިއެވެ.
މީރާގެ މޯބައިލް އެޕްލިކޭޝަން ތަޢާރަފް ކޮށްދެއްވީ ރައްޔިތުންގެ މަޖިލީހުގެ ރައީސް އަބްދުﷲ މަސީހު މުހައްމަދުއެވެ،
ރާއްޖޭގެ ޓެކްސް އިދާރާ، މީރާ އިން ތައާރަފުކުރި މޮބައިލް އެޕްލިކޭޝަން މެދުވެރިކޮށް ޓެކްސްގެ ގިނަ މައުލޫމާތުތައް ހޯދުމާއި ބައެއް ޖޫރިމަނާތައް ފަސޭހަކަމާއެކު ދެއްކުން ފަދަ ހިދުމަތްތައް ލިބޭނެ އެވެ.
އޮންލައިން ޕްލެޓްފޯމަކުން ފީ އާއި ޖޫރިމަނާ ދެއްކޭ އިރު، މީރާގެ ޚިދުމަތް ހޯދުމަށް އޮންލައިންކޮށް ޓޯކަން ވެސް ނެގޭނެ އެވެ. އަދި ޓޯކަން ކިއުވެސް ބަލާލެވޭނެ އެވެ.
މީރާ އެޕް މެދުވެރިކޮށް ކުންފުނިތަކުގެ އަހަރީ ފީ، ސައިކަލުތަކުގެ އަހަރީ ފީ ދައްކާލެވޭނެ އެވެ.
މީގެއިތުރުން މީރާއިން ވަނީ އެ އޮތޯރިޓީއަކީ ޑިޖިޓަލްކޮށް ހިދުމަތް ދޭ އޮފީހެއްގެ ގޮތުގައި ހަމަޖައްސާފަ އެވެ. ޑިޖިޓަލް ކުރުމާއެކު މީރާ އިން ބޭނުންކުރާ ހުރިހާ ލިޔެކިއުންތަކެއް ޑިޖިޓަލްކޮށް ރައްކާ ކުރެވިގެންދާނެ އެވެ.
