ހައުސިން މިނިސްޓްރީން ހީނާމާގޭގައި ބަހައްޓާ މެކޭނިކަލް ޕާކިން ސިޓަމް ރާވަން ފަށާފައިވާ ކަމަށް ހައުސިން މިނިސްޓަރު ޑރ މުހައްމަދު މުއިއްޒު ވިދާޅުވެއްޖެއެވެ.
ސައިކަލަށް ހާއްސަކޮށްގެން ހީނާމާގޭގައި ބަހައްޓާ މެކޭނިކަލް ޕާކިން ސިސްޓަމްގައި 100 ސައިކަލް ޕާކް ކުރެވޭނެއެވެ.
މިނިސްޓަރު މުއިއްޒު ކުރެއްވި ޓުވިޓެއްގައި ވިދާޅުވީ 100 ސައިކަލް ޕާކް ކުރެވޭ ގޮތަށް ހީނާމާގޭގައި ބަހައްޓާ މެކޭނިކަލް ޕާކިން ސިސްޓަމް ރާވަން ފަށާފައިވާ ކަމަށާއި އަދި އެ މަސައްކަތް ކުރިއަށް އޮތް 25 ދުވަހުގެ ތެރޭގައި ނިމޭނެ ކަމަށް މިނިސްޓަރު ވިދާޅުވިއެވެ.
Installation of the 100 capacity motorcycle mechanical parking system,taking up max 15 motorcycles' space, will be completed in abt 25 days pic.twitter.com/lG30D3AcLd
— Dr.Mohamed Muizzu (@MMuizzu) August 3, 2017
ޕާކު ކުރެވޭ ގޮތަށް މީގެ ކުރިން ވެސް ހަދާފައި އޮތް ހީނާމާގޭގައި ބަހައްޓާ ސައިކަލް ޕާކިން ސިސްޓަމަކާއެކު އެތަނުގައި 10 ކާރު ޕާކުކުރެވޭނެ މެކޭނިކަލް ޕާކިން ސިސްޓަމެއް ވެސް ބަހައްޓާނެއެވެ.
އޭގެ އިތުރުން ގާކޮށީގައި އިމާރާތް ކޮށްފައިވާ ފްލެޓު އިމާރާތާ ޖެހިގެން އޮންނަ ބިމުގައި ދެ ސައިކަލު ސިސްޓަމާއި އެއް ކާރު ސިސްޓަމް ތަރައްގީ ކުރަން ނިންމާފައިވާއިރު، ވެލާނާގޭ ކައިރީގައި ވެސް ސައިކަލު ޕާކިން ސިސްޓަމެއް ތަރައްގީ ކުރައްވާނެ ކަމަށް މިނިސްޓަރު މުއިއްޒު ވަނީ ވިދާޅުވެފައެވެ.
