ހުޅުމާލެއިން މާލެއަށް ދަތުރުކުރި ކާރަކާއި ސައިކަލެއް, ސިނަމާލޭ ބްރިޖްމަތީގައި އެކްސިޑެންޓުވުމާ ގުޅިގެން އެކަކު ހޮސްޕިޓަލުގައި އެޑްމިޓުކޮށްފިއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ، މާލެއަށް ދަތުރުކުރި ކާރަކާއި ސައިކަލެއް ޖެހި އެކްސިޑެންޓެއް ހިނގާފައިވާ ކަމަށް ހޮނިހިރު ދުވަހުގެ ހަވީރު 5:38 ހާއިރު ރިޕޯޓުކޮށްފައި ވާކަމަށެވެ. މި އެކްސިޑެންޓުގައި އަނިޔާވި އެކަކު އޭޑީކޭގައި އެޑްމިޓްކޮށްފައި ވާކަމަށް ފުލުހުން ބުނެއެވެ. ނަމަވެސް ލިބިފައިވާ އަނިޔާގެ ތަފްސީލެއް ފުލުހުން ހިއްސާއެއް ނުކުރެއެވެ.
ސިނަމާލެ ބްރިޖުމަތީގައި ފަހަކަށްއައިސް ދަނީ ގިނަ އަދަދެއްގެ އެކްސިޑެންޓްތައް ހިނގަމުންނެވެ.
