ޖެންޑަރ މިނިސްޓްރީގެ ސްޓޭޓް މިނިސްޓަރުގެ މަގާމަށް ޑރ. މަރިޔަމް ޖަބީން އައްޔަނުކުރައްވައިފި އެވެ.

ކުރިން ޖަބީނު ވަޒީފާ އަދާކުރައްވަމުން ގެންދެވީ، ފޮރިން މިނިސްޓްރީގެ އެޑިޝަނަލް ސެކްރެޓެރީ މަގާމުގަ އެވެ.

މިނިސްޓްރީ އޮފް ސްޓޭޓްގެ މަގާމަށް ޑރ. މަރިޔަމް ޖަބީން ހައްޔަނުކޮށްފައިވަނީ އޮގަސްޓް 1 ވަނަ ދުވަހުން ފެށިގެންނެވެ.

މީގެ އިތުރުން ސަރުކާރުގެ ބައެއް އިސް މަޤާމުގައި ތިބި ބައެއް ފަރާތްތައް މަޤާމުން ވަކިކޮށް، މަގާމު ދަނީ ބަދަލު ކުރަމުންނެވެ.

އެގޮތުން މިދިޔަ ޖުލައި މަހުގެ 20 ވަނަ ދުވަހު ވަނީ އިކޮނޮމިކް މިނިސްޓްރީގެ ސީނިއަރ ޕޮލިސީ އެގްޒެކެޓިވގެ މަގާމުގައި ހުންނެވި، އަހްމަދު ޝާކިރު ވަކި ކުރައްވާފަ އެވެ. މީގެ އިތުރުން ހައުސިން މިނިސްޓްރީގެ ސްޓޭޓް މިނިސްޓަރު ކަމުގެ މަގާމުގައި ހުންނެވި، އަހްމަދު ހަބީބު ވަނީ ވަނި މިދިޔަ ޖުލައި މަހުގެ 19 ވަނަ ދުވަހު ވަކިކޮށްފަ އެވެ.

މީގެ އިތުރުން ޖުލައި 10 ވަނަ ދުވަހުވެސް ވަނީ އިކޮނޮމިކް މިނިސްޓްރީގެ ނައިބުގެ މަގާމުގައި ހުންނެވި މުޖްތަބާ ޖަލީލު އެ މަގާމުން ވަކިކޮށްފަ އެެވެ. ވަޒީފާއާބެހޭ ޓްރައިވިއުނަލުގެ މެންބަރުކަމުގައިވާ އާދަމް ޒާލިފް ވެސް އެ މަގާމުން ވަކިކޮށްފައިވަނީ މިދިޔަ މަހުގެ 9 ވަނަ ދުވަހު އެވެ.