މާރާމާރީގެ މައްސަލައެއްގައި އުމުރުން 21 އަހަރުގެ ބިދޭސީއަކު ބަންދު ކުރުމަށް ކްރިމިނަލް ކޯޓުން އަމުރުކޮށްފިއެވެ.
މި މައްސަލައިގައި ބަންދުކޮށްފައިވަނީ އިންޑިއާއަށް ނިސްބަތްވާ ބިދޭސީއެކެވެ.
އޭނާ ހައްޔަރުކޮށް އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން ކޯޓުން ވަނީ އޭނާ 15 ދުވަހަށް ބަންދު ކުރުމަށް އަމުރުކޮށްފައެވެ. އޭނާގެ ބަންދުގެ މުއްދަތު ހަމަވާނީ 12 ޖެނުއަރީ 2024 ގައެވެ.
ކްރިމިނަލް ކޯޓުން ބުނީ، އޭނާގެ މައްޗަށް ތުހުމަތު ކުރެވޭ ކުށް އޭނާ ކުރިކަމަށް ކޮންމެވެސް މިންވަރެއްގެ ހެކި ލިބިފައިވާކަމަށެވެ. އެގޮތުން ސީނަށް ދިޔަ ފުލުހުންގެ ޙާދިސާ ރިޕޯޓާއި، ސީސީޓީވީ ފުޓޭޖް ސްނެޕް ޝޮޓް ހުށަހަޅާފައިވެއެވެ.
މި މައްސަލައިގައި ހުށަހެޅިފައިވާ ހެކިތަކަށް ބަލާއިރު، ލަކުޑި ފަތިބުރިއެއް، އަދި ގާބުރިއަކުންވެސް އޭނާ މީހަކަށް ޙަމަލާދޭ މަންޒަރު ފެންނަކަމަށް ކޯޓު އަމުރުގައި ބަޔާންކޮށްފައިވެއެވެ.
އޭނާ ބަންދުގައި ބަހައްޓަން އަމުރުކޮށްފައިވަނީ މުުޖުތަމައުގެ ސަލާމަތާއި ރައްކާތެރިކަމަށްޓަކައެވެ.
ކްރިމިނަލް ކޯޓުގައި މި އަމުރު ނެރުއްވީ ގާޒީ އިބްރާހިމް އިޙްސާންއެވެ.
