ހުޅުމާލޭގެ ފޭސް ދޭއްގައި ހުންނަ ހިޔާ ޓަވަރުގެ ފްލެޓެއްގެ ތެރޭގައި މީހަކަށް ތޫނު އެއްޗަކުން ހަމަލާ ދީފިއެވެ.
ފުލުހުން ބުނީ ބުދަ ދުވަހުގެ ރޭ ހިޔާ ފްލެޓްގެ އެޗް 6 ގެ އެޕާޓްމެންޓެއްގައި މީހަކަށް ތޫނު އެއްޗަކުން ހަމަލާދީފައިވާކަމަށެވެ. އަނިޔާވެފައިވަނީ ދިވެހި ފިރިހެނަކަށެވެ.
ފުލުހުން ބުނިގޮތުގައި އެ މީހާއަށް އަންނަނީ ހޮސްޕިޓަލްގައި ފަރުވާ ދެމުންނެވެ.
ނަމަވެސް އެ މީހާއަށް ލިބިފައިވާ އަނިޔާގެ ތަފްސީލެއް ހާމަކޮށްފައެއްނުވެއެވެ.
ހުޅުމާލޭގައި މީހަކަށް ތޫނު އެއްޗަކުން ހަމަލާދީފައި ވާއިރު، އައްޑޫގައި ސިލްސިލާ މާރާމާރީތަކެއް ހިންގަން ފެށުމުން ފުލުހުން ވަނީ ހާއްސަ އޮޕަރޭޝަނެއް އައްޑޫގައި ފަށައިފައެވެ.
