އެމްޑީޕީ ޕާލިމެންޓްރީ ގުރޫޕުގެ ލީޑަރު އަދި ހިންވަރު ދާއިރާގެ މެމްބަރު އިބްރާހިމް މުހައްމަދު ސޯލިޙް ފުލުސް އޮފީހަށް ހާޒިރުވުމަށް އަންގައިފިއެވެ.
އިބޫ ފުލުސް އޮފީހަށް ހާޒިރުވުމަށް އަންގާފައިވަނީ ޖުލައި 27 ވަނަ ދުވަހުގެ ހަވީރު 17:00ގައެވެ. މިއީ އިބޫ ޕޮލިހަށް ހާޒިިިރުކުރާ ފުރަތަމަ ފަހަރެވެ.
MDP PG Leader Ibrahim Mohamed Solih Fulus Ofeehah haaziru kurāthy maadhama (27/7) haveeru 5:00 ah Fulus Office kairiah vadaigendhevvun edhen pic.twitter.com/X1tcK7Toen
— MDP Secretariat (@MDPSecretariat) July 26, 2017
މީގެ އިތުރުން މާފަންނު ހުޅަނގު ދާއިރާގެ މެމްބަރު މުހައްމަދު ފަލާހްވެސް ވަނީ ބުރާސްފަތި ދުވަހު 15:00އަށް ފުލުހަށް ހާޒިރުވުމަށް އަންގާފައެވެ.
MP Mohamed Falah @m_falaah Fulus Ofeehah haaziru kuraathy maadhama (27/7) mendhurufahu 3:00 ah Fulus Office kairiah vadaigendhevvun edhen. pic.twitter.com/O7fV07uVXh
— MDP Secretariat (@MDPSecretariat) July 26, 2017
މި ދެބޭފުޅުންވެސް ހާޒިރުކުރަނީ 24 ވަނަ ދުވަހު ރައްޔިތުންގެ މަޖިލީސް އިދާރާ ސަރަހައްދު ފުލުހުން ބަންދުކޮށްފައިވަނިކޮށް، ފުލުހުންގެ ސަފުތައް ފަޅާލާފައިވާ މައްސަލައިގަ އެވެ.
ކުރެވޭ ތުހުމަތުގެ ހުލާސާގައި ބުނެފައިވަނީ ރައްޔިތުންގެ މަޖިލީހުގެ އިދާރާ ސަރަހައްދު ފުލުހުން ބަންދުކޮށްފައިވަނިކޮށް، ފުލުހުންގެ ސަފުތައް ފަޅާލާފައިވާ މައްސަލައިގެ ތުހުމަތުގައި ސުވާލު ކުރުމަށް ކަމަށް ފުލުހުންނަށް ހާޒިރުވުމަށް އަންގާ ޗިޓްގައި ވަނީ ބަޔާންކޮށްފަ އެވެ.
ފުލުހުންގެ ސަފުތައް ފަޅާލި ކަމަށް ތުހްމަތުކޮށް، އެ މެމްބަރުންނަށް ފުލުހުން ޗިޓް ފޮނުވަން ފަށާފައިވާއިރު ކިނބިދޫ ދާއިރާގެ މެމްބަރު އަބްދުﷲ ރިޔާޒު ވަނީ ބުދަ ދުވަހުގެ ރޭ 8:00 އަށް ޕޮލިހަށް ހާޒިރުވެފައެވެ. ވަކީލަކާއެކި ޕޮލިހަށް ހާޒިރުވުމަށް ރިޔާޒަށް ފުރުސަތު ދީފައިވާއިރު، އޭނާ ހާޒިރުވާން ޖެހެނީ މިއަދު 1:00 އިރު އެވެ.
ރާއްޖެޓީވީއަށް ވާހަކަދައްކަވަމުން، އަބްދުﷲ ރިޔާޒް ވިދާޅުވީ، ރައީސް ޔާމީނަށް ރައްޔިތުންގެ ތާއީދެއް ނެތް ކަމަށާއި، މަޖިލީސް ބަންދުކޮށްގެންވެސް އުޅެނީ މި ސަބަބުތަކަށްޓަކަ އެވެ.
ރައީސް ޔާމީނަށް ކުރިއަށް އޮތްތަނުގައިވެސް ތާއީދު ދާނީ ގެއްލެމުންކަމަށާއި، ގުޅިފައިވާ ސިޔާސީ ޕާޓީތަކުން، ކުރަމުންދާ މަސައްކަތްތައް ހުރަސް އެޅުމަށް ކުރާ މަސައްކަތްތައް ކާމިޔާބު ނުވާނެ ކަމަށެވެ.
ފުލުހުންގެ ސަފުތައް ފަޅާލި ކަމަށް ބުނެ މެމްބަރުން ފުލުހަށް ހާޒިރު ކުރަމުންދާއިރު 2012 ވަނަ އަހަރު އޭރު ވިލިމާފަންނު ދާއިރާގެ މެމްބަރަކަށް ހުންނަވައި އަހްމަދު ނިހާން ހުސެއިން މަނިކު ފުލުހުންގެ ބެރިކޭޑް ފަޅާލި މައްސަލަ މިއަދާއި ހަމައަށްވެސް ފުލުހުން ބަލާފައެއް ނުވެއެވެ.
