ކުރިއަށް އޮތް ރިޔާސީ އިންތިޚާބުގެ ދެވަނަ ބުރުގައި ރައީސުލްޖުމްހޫރިއްޔާ އިބްރާހީމް މުޙައްމަދު ސާލިޙު ނުކުމެވަޑައިގަންނަވާނީ އިހުނަށްވުރެ ވަރުގަދަކޮށްކަމަށް ރައީސް އޮފީހުގެ ޗީފް އޮފް ސްޓާފް އަލީ ޒާހިރު ވިދާޅުވެއްޖެއެވެ.
އެއްބުރުން އިންތިޚާބު ނުނިމޭކަން ފާހަގަކުރައްވައި އަލީ ޒާހިރު ވިދާޅުވީ، މިހާ ހިސާބުން އަދި ނިމުނީ ނޫން ކަމަށެވެ. ދެވަނަބުރަށް ދާނީ އިހުނަށްވުރެ ވަރުގަދަކޮށްކަމަށް އަލީ ޒާހިރު ވިދާޅުވިއެވެ.
އަލީ ޒާހިރު ވިދާޅުވީ، ދެވަނަ ބުރެއްގައި ނުކުންނަވާނީ މިފަހަރު ވޯޓުގައި ބައިވެރިނުވެވުނު ފަރާތްތަކުގެ ވޯޓާވެސް އެކުގައި ކަމަށެވެ.
މިފަހަރުގެ އިންތިޚާބުގައި 282,395 މީހަކަށް ވޯޓު ލުމުގެ ޙައްޤު ލިބިފައިވާއިރު، ވޯޓު ލާން ނުކުމެފައިވަނީ 219،843 މީހުންނެވެ.
