ބިން ހިއްކާ ރޯހައުސްއަޅައިދީ، ގަމާއި ގައްދޫ ގުޅުވައިދެއްވާނެކަމަށް ރައީސް ވިދާޅުވެއްޖެއެވެ.

"އުފާވެރި އަމާންރާއްޖެ" ކެމްޕޭންގައި ގައްދޫގައި ބޭއްވި ޖަލްސާގައި ވާހަކަފުޅުދައްކަވަމުން ރައީސް ވިދާޅުވީ ސިޔާސަތުތައް ކަނޑައަޅާއިރުގައި ކޮންމެ ރަށަކަށް ބޭނުންވާ ތަރައްގީގެ މަސައްކަތްތައް ގެންދަވަނީ އެކަށައަޅާ ނިންމަމުން ކަމަށެވެ. އެގޮތުން ގައްދޫއަށް ބޭނުންވާ ތަރައްގީގެ މަޝްރޫއުތަކެއް އެބަހުރި ކަމަށް ރައީސް ވިދާޅުވިއެވެ.

އަންނަ ދައުރުގައި ގައްދޫއަށް ކޮށްދެއްވާނެކަމަށް ރައީސް ވިދާޅުވި ކަންކަން؛

- ގައްދޫ މަގު ހެދުމުގެ ފޭސް 2 ހުރިހާ މަަގެއް ނިމެންދެން ކުރިއަށް ގެންދިއުން.

- ގައްދޫއިން 39 ހެކްޓަރު ބިންހިއްކުން.

- 100 ރޯ ހައުސް އަޅައިދިނުން.

- ޕޮލިޓެކްނިކްގެ އައު އިމާާރާތެއް އެޅުން.

- ގަމާއި ގައްދޫ ގުޅާލުން.

ރައީސް ވިދާޅުވީ އިރާދަކުރެއްވިއްޔާ މި ސިޔާސަތުތަކާއެކީ ނުކުމެ ރިޔާސީ އިންތިހާބު ބޮޑުތަނުން ކާމިޔާބުކުރެވޭނެތަން ފެނިވަޑައިގަންނަވާ ކަމަށެވެ. މިހާތަނަށް ދަތުރުކުރެއްވި ހުރިހާ ރަށަކުންނާއި، ސިޓީތަކުން ފެންނަނީ އެ މަންޒަރު ކަމަށް ރައީސް ވިދާޅުވިއެވެ.