އާއްމުތަނެއްގައި ބަދުއަހުލާގީ އަމަލު ހިންގި މައްސަލައެއް ފުލުހުން ބަލަން ފަށައިފިއެވެ.
"ރާއްޖެ އެމްވީ" އަށް މައުލޫމާތުދެމުން ފުލުހުން ބުނީ, އެފަދަ މައްސަލައެއް ފުލުހުން ބަލަންފެށީ ސޯޝަލް މީޑިއާގައި ދައުރުވަމުންދާ, އާއްމު އިޖުތިމާއީ މިންގަނޑާ ހިލާފު އަމަލެއް އާއްމު ތަނެއްގައި ހިންގާ މަންޒަރު ފެންނަ ވީޑިއޯއެއް ސަމާލުކަމަށް އައުމާ ގުޅިގެން ކަމަށެެވެ.
އަދި ފުލުހުން ދަނީ އެ މައްސަލަ ތަހުގީގުކުރަމުން ކަމަށް ބުނެފައިވެއެވެ.
އެހެންނަމަވެސް އެ މައްސަލައިގެ ތަފްސީލު ހިއްސާކޮށްފައެއް ނުވެއެވެ.
ސޯޝަލް މީޑިއާގައި އާއްމު މީހަކު ޕޯސްޓްކުރި ވީޑިއޯއަކުން ދެ މީހަކު އާއްމު ތަނެއްގައި ބަދުއަހުލާގީ މަންޒަރު ހިންގާތަން ފެނެއެވެ.
އެ ވީޑިއޯގައި ބުނެފައިވަނީ އެއީ މާލޭ ސަރަހައްދުގައި ހިނގި ކަމެއް ކަމަށެވެ.
އެ ވީޑިއޯގައި ފެންނަނީ ކޮންބައެއްކަން ދެނެގަތުމުގެ މަސައްކަތް ކުރަމުންދާކަމަށް ފުލުހުން ވަނީ ބުނެފައެވެ.
