އދ. ދިއްދޫ ކައުންސިލަށް މެންބަރަކު އިންތިޚާބުކުރުމުގެ ބައި އިލެކްޝަން، މޯލްޑިވްސް ނެޝަނަލް ޕާޓީ (އެމްއެންޕީ)ން ކާމިޔާބުކޮށްފިއެވެ.

ހޮނިހިރު ދުވަހު ކުރިޔަށްދިޔަ ދިއްދޫ ބައި އިލެކްޝަންގައި ވާދަކުރީ އެމްއެންޕީގެ ފަރާތުން އަނީސް މުހައްމަދުއާއި އަމިއްލަގޮތުން ރަޝީދާ އާދަމްއެވެ. ކައުންސިލްގެ ހުސްވެފައިވާ ގޮނޑިއަށް އަނީސް އިންތިޚާބުވީ 62 ވޯޓުންނެވެ. ރަޝީދަށް ލިބިފައިވަނީ 57 ވޯޓެވެ. ކައުންސިލްގެ މެންބަރަކު އިސްތިއުފާދިނުމުން މެންބަރަކު އިންތިޚާބުކުރުމަށް މިއަދު ނެގުނު ވޯޓްގައި ވޯޓްލުމުގެ ހައްގު 147 މީހުންނަށް ލިބިފައި އޮތެވެ. ވޯޓްލީ 119 މީހުންނެވެ.

މިއީ އެމްއެންޕީން ކައުންސިލު ގޮނޑިއެއް ކާމިޔާބުކުރި ފުރަތަމަ ފަހަރެވެ.