ސްޕެނިޝް ލަލީގާ ކަށަވަރުކުރުމާ ގާތުގައިވާ ބާސެލޯނާއިން އެތުލެޓިކޯ މެޑްރިޑް ބަލިކޮށް, ބޮޑު ލީޑް އަނބުރައި ހޯދައިފިއެވެ.

ބަސެލޯނާއިން ލީޑް 11 ޕޮއިންޓަށް އަލުން ފުޅާކުރީ 1-0ން އެތުލެޓިކޯ މެޑްރިޑް ބަލިކޮށްގެންނެވެ. އަމިއްލަ ދަނޑުގައި ކުޅުނު މެޗުގައި ހަމައެކަނި ލަނޑު ޖެހީ ފެރަން ޓޮރޭޒްއެވެ. ފުރަތަމަ ހާފްގެ ފަހު މިނިޓްގައި ފެރަން ޓޮރޭޒް ލަނޑުޖެހީ ރަފީނިއާ ތަނަވަސްކޮށްދިން ފުރުސަތެއްގައެވެ. މެޗުގައި ލެވާންޑޯސްކީއަށް ލަނޑުޖަހަން ލިބުނު ފުރުސަތުތައް ބޭނުމެއްނުކުރެވުނެވެ.

ބާސެލޯނާ އެއްވަނާގައި އޮތީ 30 މެޗުން، 76 ޕޮއިންޓާއެކުއެވެ. ވާދަވެރި، އެންމެފަހުގެ ޗެމްޕިއަން ރެއާލް މެޑްރިޑަށް 30 މެޗުން ލިބެނީ 65 ޕޮއިންޓެވެ. ތިންވަނާގައި އެތުލެޓިކޯ މެޑްރިޑް އޮތީ 60 ޕޮއިންޓާއެކުއެވެ.