ސިނަމާލެ ބްރިޖުން މާލެއަށް އަރާ ހިސާބުގައި އިންނަ ލައިޓަށް މަޑުކޮށްގެން އިން ސައިކަލެއްގައި ފަހަތުން އައި ސައިކަލެއް ޖެހި އެކްސިޑެންޓެއް ހިނގައިފިއެވެ.
ފުލުހުން ބުނީ މި އެކްސިޑެންޓުގެ މައުލޫމާތު އެ އިދާރާއަށް ލިބިފައިވަނީ އާދީއްތަ ދުވަހުގެ ރޭ 23:33 ހާއިރު ކަމަށެވެ.
މި އެކްސިޑެންޓުގައި 3 މީހަކަށް އަނިޔާވެފައިވާކަމަށް ފުލުހުން މައުލޫމާތުދެއެވެ. އެއީ 47 އަހަރާއި 31 އަހަރު އަދި 43 އަހަރުގެ ފިރިހެނުންނެވެ.
Advertisement
މި މީހުންގެ ތެރެއިން 43 އަހަރުގެ މީހާއަށް އައިޖީއެމްއެޗްގައި ދަނީ ފަރުވާދެމުންނެވެ. ބާކީ ދެމީހުންނަށް ސެނަހިޔާ ހޮސްޕިޓަލުގައި ފަރުވާދެމުންދާކަމަށް ފުލުހުން ބުނެއެވެ.
ފުލުހުން ގެންދަނީ މި މައްސަލަ އިތުރަށް ތަހުގީގުކުރަމުންނެވެ.
