ރޯދަ ހަދިޔާ ލިބޭނެ ކަމަށް ބުނެ އެކި ކުންފުނިތަކުގެ ނަމުގައި ސްކޭމް މެސެޖުތަކެއް ކުރަމުންދާކަމުގެ މައުލޫމާތު ފުލުހުންނަށް ލިބެމުންދާކަމަށް ދިވެހި ފުލުހުންގެ ޚިދުމަތުން ބުނެފިއެވެ.
ފުލުހުން ބުނީ، އެފަދަ މައްސަލަތައް ފުލުހުންގެ ސަމާލުކަމަށް އައިސްފައިވާ ކަމަށާއި، އެކަން ފުލުހުން ބަލަމުންދާ ކަމަށެވެ.
އަދި އެފަދައިން އަންނަ މެސެޖުތަކުގައިވާ އެއްވެސް ލިންކަކަށް ނުފިތުމަށްވެސް ފުލުހުން ވަނީ އެދިފައެވެ.
އޭގެ އިތުރުން، އެފަދަ މައްސަލަތައް ރިޕޯޓު ކުރުމަށް ފުލުހުންގެ އޮންލައިން ކްރައިމް ރިޕޯޓިންގޕޯޓަލްބޭނުން ކުރެވިދާނެކަމަށް ފުލުހުން ބުނެއެވެ. ނުވަތަ ހޮޓްލައިން ނަންބަރު 3322111 އަށް ގުޅުމަށްވެސް އެދިފައިވެއެވެ.
