ސްޕެނިޝް ލީގުގައި އޮސަސޫނާއާ ދެކޮޅަށް ކުޅުނު މެޗުން މޮޅުވެ އެންމެ ފަހުގެ ޗެމްޕިއަން ރެއާލް މެޑްރިިޑުން އެއް ވަނައިގައި އޮތް ބާސެލޯނާގެ ފުލުގައި ވިއްދައިފި އެވެ.

ހޮނިހިރު ދުވަހުގެ ރޭ އޮސަސޫނާގެ ދަނޑުގައި ކުޅުނު މެޗު ރެއާލުން ކާމިޔާބު ކުރީ 2-0 އިންނެވެ. މެޗު ފުރަތަމަ ހާފު ނިމުނު އިރު އެއްވެސް ޓީމަކަށް ލަނޑެއް ކާމިޔާބެއް ނުކުރެވުނެވެ. ދެ ވަނަ ހާފުގައި ރެއާާލުން ވަނީ ދެ ލަނޑު ޖަހައިފަ އެވެ. ދެ ވަނަ ހާފުގެ 78 ވަނަ މިނެޓުގައި ވިނީޝިއަސް ޖޫނިއާ ތަނަވަސްކޮށްދިން ފުރުސަތެއްގައި ފެޑެރިކޯ ވަލްވާޑޭ އެވެ. އޭގެ ފަހުން ވިނީޝިއަސް ލަނޑެއް ޖެހި ނަމަވެސް ވީއޭއާރުން ވަނީ އެ ލަނޑު ބަލައި ނުގަންނަން ނިންމައިފަ އެވެ. މެޗުގެ އިތުރު ވަގުތުގައި އަލްވާރޯ ރޮޑްރިގޭސްގެ އެހީތެރިކަމާއެކު ޖެހީ މާކޯ އަސެންސިއޯ އެވެ.

މެޗުން މޮޅުވެ ރެއާލް ދެ ވަނައިގައި އޮތީ ކުޅުނު 22 މެޗުން 51 ޕޮއިންޓާއެކު އެވެ. ރެއާލަށް ވުރެ މެޗެއް މަދުން ކުޅެގެން އެއް ވަނައިގައި ބާސެލޯނާ އޮތީ 56 ޕޮއިންޓާއެކު އެވެ.