މާލޭގެ ގެއަކުން މީހަކު ވައްކަންކުރަން އުޅުމުގެ ތެރޭގައި ބެލްކަނީގެ ކޮންކްރީޓް ޝީޓާއެކު ވެއްޓި މީހަކަށް އަނިޔާވެއްޖެއެވެ.
ފުލުހުންގެ މީޑިއާ އޮފިޝަލް ވިދާޅުވީ މާފަންނު ގެއަކުން ކޮންކްރީޓްގަނޑެއް ވެއްޓިފައިވާކަމަށް ރޭ 11:29 ހާއިރު މައުލޫމާތު ލިބިފައިވާ ކަމަށެވެ. އަދި ކޮންކްރީޓްގަނޑު ކަނޑައިގެން ވެއްޓުނީ ވައްކަންކުރަން ވަތް މީހަކު ބެލްކަނީން ފުއްމާލި ވަގުތުކަމަށް މިހާތަނަށް ބެލިބެލުމުން އެނގިފައިިވާކަމަށް ވިދާޅުވިއެވެ.
ފުލުހުންގެ މީޑިއާ އޮފިޝަލް ވިދާޅުވީ އެ މީހާއަަށް އަނިޔާވެގެން އައިޖީއެމްއެޗްގައި ފަރުވާދެމުންދާ ކަމަށެވެ.
ނަމަވެސް އޭނާއަށް ލިބިފައިވާ އަނިޔާގެ ތަފްސީލެއް މީޑިޔާ އޮފިޝަލް ދެއްވާފައެއް ނުވެއެވެ. އޭނާ ވިދާޅުވީ މި މައްސަލައިގެ ތަހުގީގު ހިނގަމުން ދާ ކަމަށެވެ.
