ހއ. އުލިގަމުގައި ކޮންމެ އަހަރަކުވެސް ބާއްވަމުން އަންނަ "ދަ ގްރޭޓް މޯލްޑިވިއަން ބާބެކިއު"އަށް, ލޯގޯއާއި ޓީޝާޓް ފަރުމާ ކޮށްދޭނެ ފަރާތެއް ހޯދުމަށް ހއ. އުލިގަމު ކައުންސިލުން އިއުލާން ކޮށްފިއެވެ.

ހއ. އުލިގަމު ކައުންސިލުން އާދިއްތަ ދުވަހު ކޮށްފައިވާ އިއުލާނުގައިވަނީ، ޓީޝާޓާއި ލޯގޯ ފަރުމާކުރަން ޝައުގުވެރިވާ ފަރާތްތަކަށް އެ ފުރުސަތު ހުޅުވާލައިފައިވާކަމަށެވެ. އެގޮތުން ލޯގޯއާއި ޓީޝާޓް ފަރުމާކުރުމަށްފަހު، ކޮރަލް ޑްރޯ ފޯރމެޓްގެ ފައިލް [email protected] އަށް މެއިލް ކުރުމަށް އެ ކައުންސިލުން އެދިފައިވެއެވެ. ލޯގޯއާއި ޓީޝާޓް ފަރުމާ ކުރުމަށްފަހު ހުށަހެޅޭނެ އެންމެ ފަހުގެ ތާރީޚަކީ 15 ޑިސެމްބަރ 2021ވާ ބުދަ ދުވަސް ކަމަށްވެސް އުލިގަމު ކައުންސިލުން ހާމަކުރެއެވެ.

ކޮވިޑުގެ ހާލަތާ ގުޅިގެން މި ހަރަކާތް މެދުކެނޑުމަށްފަހު، އަލުން މި ހަރަކާތް ކުރިއަށް ގެންދިއުމަށް ހަމަޖެހިފައިވަނީ ޖެނުއަރީ މަހުގެ އެއްވަނަ ދުވަހު އެވެ. އުލިގަމުގައި ބާއްވަމުން އަންނަ މި ބާބަކިއުއަކީ މުޅި ރާއްޖޭގައިވެސް ބާއްވާ އެންމެ ބޮޑު ބާބަކިއު ކަން ފާހަގަ ކޮށްލެވެއެވެ.