ސްރީލަންކަން އެއަރލައިންސުން މިފަހަރު ބޮޑަށް އިސްކަން ދެނީ ޔޫރަޕަށް ދަތުރު ކުރުމަށް ކަމަށް އޭސްއޭވިއޭޝަންގެ މެނޭޖިންގ ޑިރެކްޓަރ މުޙައްމަދު ފިރާޤް ވިދާޅުވެއްޖެއެވެ.
ރާއްޖެ އެމްވީއަށް މައުލޫމާތު ދެއްވަމުން ފިރާޤް ވިދާޅުވީ، މީގެ ކުރިން ސްރީލަންކަން އެއަރލައިނުން ބޮޑަށް އިސްކަންދެމުން އައީ ޗައިނާއަށް ދަތުރުކުރުމަށެވެ، ނަމަވެސް މިހާރު ބޮޑަށް އިސްކަން ދެނީ ޔޫރަޕަށް ދަތުރު ކުރުމަށެވެ. އަދި މި ހިދުމަތަކީ "ވަން ވޯލްޑް" ޕްރޮމޯޓް ކުރުމުގެ ގޮތުން ކުރިއަށް ގެންދާ ހިދުމަތެކެވެ.
މީގެ އިތުރުން ފްލައިޓްތަކުގެ ހިދުމަތް މީގެ ކުރިން މެދުކަނޑާލާފައި ވަނީ ޕެންޑެމިކްސްގެ ސަބަބުންނެވެ. ޓިކެޓްގެ އަގަށް ބަލާލާއިރު، ކޮލަމްބޯގެ ޓިކެޓެއް 250 ޑޮލަރަށް ލިބިގެންދާނެ ކަމަށް ފިރާޤް ވިދާޅުވިއެވެ. އަދި އަގުހެޔޮ ޓިކެޓް ފެއާ މެދުވެރިކޮށް ލިބިގެންދާނެއެވެ. ނަމަވެސް ފެއާގެ ޓިކެޓްތަށް މިހާރު ވަރަށް މަދުވާނެ ކަމަށްވެސް ފިރާޤް ފާހަގަކުރެއްވިއެވެ.
ބައެއް ގައުމުތަކުން ޕީސީއާރް ޓެސްޓެއް ބޭނުންވޭ އަދި މީގެއިތުރުން ކަރަންޓީން ވާންވެސް ޖެހެއެވެ. އެހެންކަމުން ޓިކެޓް ނަގަން ޓިކެޓިން އޮފީހަކަށް ދާއިރު ހުރިހާ ފަސިންޖަރުންވެސް އެއޮފީހަކަށް އެފަރާތެއްގެ ސައްހަ މައުލޫމާތު ދިނުމަކީ ވަރަށް މުހިންމު ކަމެއް ކަމުގައި ފިރާޤް ފާހަގަ ކުރއްވާފައި ވެއެވެ.
ގަމަށް ޗާޓަރު ފްލައިޓެއްގެ ގޮތުގައި އަލުން ދަތުރުފެށި މި ފްލައިޓުން ދަތުރުކޮށްފައި ވަނީ ޔޫރަޕްގެ 37 ފަސިންޖަރުންނެވެ. އަދި މި ފްލައިޓުން ދ. އަތޮޅާއި ހުވަދޫ އަތޮޅަށް ވެސް ފަސިންޖަރުންނަށް ދަތުރު ކުރވޭނެ ގޮތް މެދުވެރިވެގެން ދާނެ ކަމަށްވެއެވެ. ފިރާޤް ވިދާޅުވެފައި ވަނީ، ހުވަދޫ އަށާއި ފުވައްމުލަކަށް ދަތުރުކުރާ ފްލައިޓްތަކަށް ކަނެކްޝަނެއް މިހާތަނަށް ލިބިފައެއް ނުވެއެވެ. އެހެންނަމަވެސް، ކުރިއަށް އޮތްތާނގައި ޗާޓަރު ފްލައިޓްތަކަށް އެތެރޭގެ ކަނެކްޓިން ފްލައިޓުތަކުން ޖާގަ ލިބިގެން ދާނެކަމަށް އުންމީދު ކުރެވެއެވެ.
