އައްޑޫ ސިޓީން އިތުރު 41 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

އައްޑޫ އިކުއެޓޯރިއަލް ހޮސްޕިޓަލުން އެންމެ ފަހުން އާއްމުކުރި ތަފާސްހިސާބުތައް ދައްކާގޮތުން އާދިއްތަ ދުވަހުގެ ހަވީރު 6 ޖެހުމާ ހަމައަށް ފެނުނު 41 ކޭސްގެ ތެރެއިން 2 ކޭސް ފެނިފައިވަނީ މަރަދޫންނެވެ. އަދި ހިތަދޫއިން 23 ކޭސް، މަރަދޫފޭދޫން 1 ކޭސް، ފޭދޫއިން 11 ކޭސް އަދި މީދޫއިން 3 ކޭސް ފެނިފައިވެއެވެ.

އައްޑޫގެ އަވަށްތަކުގެ ތެރެއިން އެންމެ ގިނަ އަދަދަކަށް އެކްޓިވް ކޭސް މިހާރު އުޅެނީ ހިތަދޫގައެވެ. އެގޮތުން ހިތަދޫގައި ކޮވިޑްގެ 173 ކޭސް އުޅޭއިރު، މަރަދޫގައި 75 ކޭސް، ފޭދޫގައި 62 ކޭސް، މަރަދޫފޭދޫގައި 8 ކޭސް، ހުޅުދޫގައި 7 ކޭސް، ގަމުގައި 2 ކޭސް އަދި މީދޫގައި 29 އުޅޭ ކަމަށް ހޮސްޕިޓަލުން ބުނެއެވެ. އެއާއެކު އައްޑޫ ސިޓީގެ އެކްޓިވް ކޭސްތަކުގެ އަދަދު މިވަނީ 356ށް އަރާފައެވެ.

އައްޑޫ ކޮވިޑް ފެސިލިޓީގައި 3 މީހަކަށް ފަރުވާ ދެމުންދާއިރު، މި ބަލީގައި އައްޑޫ ސީޓީން ވަނީ 9 މީހަކު ނިޔާވެފައެވެ.

ޕޮޒިޓިވް ކޭސްތަކާ ގުޅިގެން އައްޑޫ ސިޓީ މިހާރު ވަނީ މޮނީޓަރިން ހާލަތަށް ގެނެސްފައެވެ.