އޭވިއޭޝަން ދާއިރާއަށް ގިނަ ދުވަހު ޚިދުމަތް ކޮށްދެއްވި ސ.ހިތަދޫ ސީވިއު، މުހައްމަދު ނަސީރު އަވަހާރަވެއްޖެއެވެ.
ނަސީރު އަވަހާރަވީ ހުކުރުދުވަހުގެ ފަތިހުގެ ވަގުތެއްގައި ހިތުގެ އާލާސްކަންފުޅެއްގައި ފަރުވާ ހޯއްދަވަމުން ގެންދަވަނިކޮށް އައްޑޫ ސިޓީގައެވެ. ނަސީރު އަވަހާރަވިއިރު އަނބިކަނބަލަކާއި ހަތަރު ބޭފުޅުން ދުނިޔޭގައި އެބަ ތިއްބެވިއެވެ. އަވަހާރަވިއިރު އުމުރުފުޅަކީ 73 އަހަރެވެ.
ކުރީގެ ރައީސް މުހައްމަދު ނަޝީދުގެ ސަރުކާރުގައި ހޯމް މިނިސްޓްރީގެ ސްޓޭޓް މިނިސްޓަރުކަންވެސް ނަސީރު ވަނީ ކުރައްވާފައެވެ. މުހައްމަދު ނަސީރަކީ އައްޑޫ އިންޓަނޭޝަނަލް އެއާޕޯޓު ކޮމްޕެނީ (އޭއައިއޭ)ގެ މެނޭޖިން ޑިރެކްޓަރު ގައިސް ނަސީރުގެ ބައްޕާފުޅެވެ.
ނަސީރުވަނީ ރާއްޖޭގެ އޭވިއޭޝަން ދާއިރާގައި ގިނަގުނަ ޚިދުމަތްތަކެއް ކުރައްވާފައެވެ.
