ހިއުމަންރައިޓްސް ކޮމިޝަން އޮފް ދަ މޯލްޑިވްސް (އެޗްއާރސީއެމް)ގެ ނައިބް ރައީސް ޝިފާގު މުފީދު(ހިސްޓޯ) ކޮމިޝަންގެ މެންބަރު ކަމުން އިސްތިއުފާ ދެއްވައިފިއެވެ.
އެކަން ވަނީ އެޗްއާރުސީއެމުން ވެސް ކަށަވަރުކޮށްދެއްވާފައެވެ. އެހެންނަމަވެސް އިސްތިއުފާ ދެއްވި ސަބަބެއް އެކޮމިޝަނުން ހާމައެއް ނުކުރައްވައެވެ.
ކޮމިޝަނަށް ބޮޑެތި ފަޑުކިއުންތަކެއް އަމާޒުވެފައިވަނިކޮށް ރާއްޖެ އެމްވީއަށް މައުލޫމާތު ލިބިފައިވާ ގޮތުގައި ޝިފާގް އިސްތިއުފާ ދެއްވީ ބުރާސްފަތި ދުވަހުގެ ވަގުތެއްގައެވެ.
އެޗްއާރްސީއެމް އަށް 2015 ވަނަ އަހަރު އައްޔަންކުރި ޝިފާގް އެ ކޮމިޝަނުން އިސްތިއުފާ ދެއްވި އިރު ކޮމިޝަންގެ މަސައްކަތްތަކާ މެދު ހިތްހަމަޖެހިވަޑައިނުގެން މީގެ ކުރިން ވާހަކަ ދައްކަވާފައި ވެއެވެ.
