ޗިލީގެ ކަނޑުގެ ސަރަހައްދާ ކައިރީގައި ހަރަކާތްތެރިވާ ޗައިނާގެ މަސް ބޯޓުތަކުގެ ހަރަކާތްތައް ބަލަމުންދާ ކަމަށް ޗިލީގެ ހާރިޖީ ވަޒީރު އަންދްރޭ އަލަމާންދް ވިދާޅުވެއްޖެއެވެ.
އޭނާ ވިދާޅުވީ ޗިލީގެ ހާއްސަ އިގްތިސާދީ ސަރަހައްދުގެ ސަލާމަތާ ރައްކާތެރިކަން އެގައުމުގެ ޑިފެންސް މިނިސްޓްރީ އިން ކަނޑުގެ ސިފައިން ޔަގީންކުރާނެ ކަމަށެވެ. 300 އެއްހާ ޗައިނާގެ އުޅަނދުތައް ޕެސިފިކް ކަނޑުގައި، ދެކުނު އެމެރިކާ ސަރަހައްދާ ކައިރީގައި މަސްވެރިކަން ކުރަމުންދާ ކަމަށް ޗީލީ ސަރުކާރުން ވަނީ ބުނެފައެވެ.
ދެކުނު އެމެރިކާގެ ގައުމުތަކުގެ މަސްވެރިކަމަށް ޗައިނާއިން މަސްވެރިކަން ކުރާ ގޮތުގެ ސަބަބުން ގެއްލުންވަމުން ދާތީ، އެ ގައުމުތަކުން ދަނީ ކަންބޮޑުވުން ފާޅުކުރަމުންނެވެ.
ޕެސިފިކް ކަނޑަށް ޗައިނާގެ އުޅަނދުތަކުން ގިނަ އަދަދަކަށް ޕްލާސްޓިކް ކުނި އަޅަމުންދާ ކަމަށް އެމެރިކާ އިން ތުހުމަތު ކުރެއެވެ.
